Bloomsbury Publishing
| Bloomsbury Publishing | |||
 | |||
| Bransje | Forlagsverksemd | ||
|---|---|---|---|
| Hovudkontor | London | ||
| Land | Storbritannia | ||
| Grunnleggjar(ar) | Nigel Newton | ||
| Nettstad | https://www.bloomsbury.com/ (engelsk), https://www.bloomsbury.com/uk/ (britisk-engelsk), https://www.bloomsbury.com/ca/, https://www.bloomsbury.com/au/, https://www.bloomsbury.com/us/ (angloamerikansk), https://www.bloomsbury.com/in/ (Indisk engelsk) | ||
Bloomsbury Publishing plc er eit uavhengig internasjonalt forlag med hovudkontor i London. Det har også kontor i Sydney, New York og New Delhi og gjev hovudsakleg ut engelskspråkleg skjønnlitteratur og sakprosa.[1]
Selskapet blei skipa i 1986 av Nigel Newton. Hovudkontoret ligg i Camden i London.[2] Bloomsbury blei børsnominert i 1995. I 2000 kjøpte det opp A&C Black Plc, som mellom anna gjev ut Who's Who og Whitaker's Almanack. I 2005 kjøpte det også barne- og ungdomsavdelinga til Walker & Co og i 2008 Berg Publishers, John Wisden & Co og Arden Shakespeare.[3] I 2012 kjøpte Bloomsbury Fairchild Books, eit akademisk forlag innan mote og design,[4] og i 2013 blei det eigaren av Hart Publishing Ltd.[3]
Bloomsbury er best kjend for å ha gjeve ut britiske versjonar av Harry Potter-bøkene [5] og har vokse mykje det siste tiåret grunna serien til J.K. Rowling. Bloomsbury var i 1999 og 2000 kåra til Publisher of the Year av den britiske bokbransjen. Det gav også ut Finkler Question av Howard Jacobson, som vann Man Booker-prisen i 2010.
Andre forfattarar knytt til Bloomsbury er Khaled Hosseini, William Boyd, Donna Tartt, Elizabeth Gilbert, John Irving, William Dalrymple, Dava Sobel, Heston Blumenthal og Hugh Fearnley-Whittingstall.[4]
Kjelder
[endre | endre wikiteksten]- ↑ «Company», bloomsbury.com
- ↑ «Contact Us», Bloomsbury Publishing. «50 Bedford Square London WC1B 3DP»
- 1 2 «Corporate history», bloomsbury-ir.co.uk
- 1 2 «About us», bloomsbury.com
- ↑ Harry Potter-side hos Bloomsbury
Bakgrunnsstoff
[endre | endre wikiteksten]
 |