Bollnäs kommun

	Bollnäs kommun
	kommune
	Kommunevåpen
	Kommunevåpen
Land	Sverige
Len	Gävleborgs län
Landskap	Hälsingland
Del av	Hälsingland, Q61663377, Q61663374
Centralort	Bollnäs
Areal	1 827 km²
Folketal	26 249
Folketettleik	14,3 / km²
	; Bollnäs kommun; 61°21′N 16°24′E / 61.35°N 16.4°E
	Kart som viser Bollnäs kommun. Kart som viser Bollnäs kommun.
	Wikimedia Commons: Bollnäs Municipality
	Nettstad: www.bollnas.se

Bollnäs kommun er ein kommune i Gävleborgs län i Sverige. Kommunen grensar til fem andre kommunar i Gävleborgs län, Hudiksvalls kommun i nordaust, Söderhamns kommun i aust, Ockelbo kommun i sør, Ovanåkers kommun i vest og Ljusdals kommun i nord. I tillegg grensar han til Falu kommun i Dalarnas län i sørvest. Administrasjonssenteret i kommunen er Bollnäs.

Landskapet i Bollnäs er skogkledt, kupert og vassrikt landskap. Elvane Voxnan og Ljusnan møtast i kommunen. Når det gjeld næringsliv, er kommunen dominert av teneste- og servicenæringar. Det er også noko industri, og då særleg verkstadindustri, i Bollnäs kommun.

Administrativ historikk

I 1863 vart seks landskommunar, altså like mange som det hadde vore sokn, oppretta på det området som i dag er Bollnäs kommun då kommunalforordningane tredde i kraft. I 1888 vart Bollnäs municipalsamhälle innlemma i Bollnäs landskommun, og i 1906 braut municipalsamhället ut av kommunen og oppretta Bollnäs köping. Året etter vart Arbrå municipalsamhälle innlemma i kommunen med same namn. Nokre år seinare, i 1919, vart Björkhamre municipalsamhälle innlemma i Bollnäs landskommun, men braut allereie i 1923 ut for å opprette Björkhamre köping. I 1942 vart dei to köpingane slått saman og Bollnäs stad vart oppretta.

Kommunereforma i 1952 gjorde til at Undersvik vart innlemma i Arbrå landskommun, medan Segersta vart innlemma i Hanebo landskommun. Bollnäs stad vart ikkje påverka på dette tidspunktet, men i 1959 vart landskommunen innlemma i byen. I vart 1971 einskapleg kommunetype innført, og Bollnäs stad vart Bollnäs kommun. I 1974 vart endå meir innlemma i Bollnäs kommun, då Alfta, Arbrå, Hanebo og Rengsjö. Men etter berre tre år, vart i 1977 Alfta församling overført til Ovanåkers kommun.

Kommunevåpenet

Blasonering: På blå bakgrunn, ei trane av sølv med isse, bein og nebb i raudt som held ein raud stein i den oppløfta høgrefoten sinm, og står ovanfor to bølgjeforma strekar av sølv.^[1]

For Bollnäs stad vart det i 1943 fastsett eit våpen som inneheldt ei trane (teken frå eit sokn segl frå 1600-talet) og eit hjul, som symboliserte jernbana. Etter kommunesamanslåinga vart våpenet endra (jernbana vart ikkje sett på som like viktig då), og dei to bølgjestrekane som syboliserer elvane Ljusnan og Voxnan kom med. Våpenet vart regstrert i Patent- och registreringsverket i 1976. Bølgjestrekane kjem opphavleg frå våpenet til Alfta, og vart henta inn i den korte perioden Alfta var innlemma i Bollnäs.

Våpenet til Bollnäs stad
Våpenet til Bollnäs landskommun
Våpenet til Alfta

Tettstader

Det er åtte tettstader i Bollnäs kommun.

Tettstadene i tabellen er ordna etter innbyggjartal per 31. desember 2005. Administrasjonssenteret er utheva.

Nr.	Tettstad	Folketal
1.	Bollnäs	12 455
2.	Arbrå	2 262
3.	Kilafors	1 124
4.	Lottefors	391
5.	Sibo	351
6.	Segersta	329
7.	Vallsta	280
8.	Rengsjö	272

Kjelder

«Bolnäs kommun» på Wikipedia på svensk.
«Bollnäs» på Store Norske Leksikon.

Fotnote

↑ «I blått fält en trana av silver med hjässa, ben och näbb röda, vilken i sin upplyftade högra fot håller en röd sten, stående ovanför två av vågskuror bildade strängar av silver.».

[1] «I blått fält en trana av silver med hjässa, ben och näbb röda, vilken i sin upplyftade högra fot håller en röd sten, stående ovanför två av vågskuror bildade strängar av silver.».

[1]