Bruspulver

Frå Wikipedia – det frie oppslagsverket
Kali eller bruspulver i krukker.

Bruspulver, nokre gonger kalla slikkepulver, er ei blanding av natron og ei fast syre som sitronsyre eller askorbinsyre. Det vert òg sett til smak- og søtstoff som druesukker og/eller vanleg røyrsukker. Innhaldet av syre og bikarbonat er slik at det blir utvikla CO2, kolsyre ved kontakt med vatn.

Ein opplever det som eit søtt eller syrleg pulver som bruser i munnen. Tidlegare var det innpakka i ein papirpose, men i dag kjem det innpakka i eit røyr eller tett pose som skal halde verkestoffa tørre.

Bruksområde og nærskylde fenomen[endre | endre wikiteksten]

Bruspulver var opphavleg meint å lage brus ved å blande det i eit glas med vatn. Born oppdaga fort at smaken vart meir intens om ein nytta det som godteri. Ein strødde det då t.d. i handa og slikka det i seg, derav namnet slikkepulver eller ein kunne putte det direkte i munnen, men det vart ofte for kraftig effekt. Bruspulver kan òg tilsetjast anna godteri, t.d. kjærleik på pinne.

Det er den same typen verknad ein finn i bakepulver og andre hushaldningskjemikaliar som ein nyttar til å lage porøs deig til kake.

Kjelder[endre | endre wikiteksten]

Bakgrunnsstoff[endre | endre wikiteksten]