Caldey Island

Frå Wikipedia – det frie oppslagsverket
Gå til: navigering, søk
Caldey Island
Lokalt namn: Ynys Bŷr
Caldey Island - geograph.org.uk - 73692.jpg
Geografi
Caldey Island is located in
Caldey Island ()
Stad Det keltiske havet
Koordinatar 51°38′N 4°41′WKoordinatar: 51°38′N 4°41′W
Administrasjon
Land Wales
Grevskap Pembrokeshire

Caldey Island (walisisk Ynys Bŷr) er ei øy sør for Tenby i Pembrokeshire i Wales. Ho har vore ei heilag øy i Storbritannia sidan tidleg keltisk kristendom.[1]

Klosteret på Caldey.

Det ligg ein liten landsby på øya, men ho er best kjend for klosteret som ligg her. Mellom Caldey Island og fastlandet ligg Caldeysundet, som er 1-2 km breitt. Det går ferje over sundet til Tenby om våren og sommaren.

På 1800-talet vart det brote kalkstein på øya, som vart frakta til lokale tørkeomnar.

Det vart grunnlagd eit keltisk kloster på øya på 500-talet og eit benediktinarkloster var her frå 1136 fram til oppløysinga av dei britiske klostera i 1536. Ein anglikansk benediktinarorden kom hit i 1906 og bygde det noverande klosteret. Dei vart innlemma i den katolske kyrkja i 1913, men reiste frå øya i 1925 på grunn av økonomiske vanskar. Frå 1929 og fram til i dag har cisterciensarar med røter i Belgia halde til i klosteret. Det står òg eit normannisk kapell frå 1100-talet på øya, ein oghamkross frå 500-talet og eit fyr frå 1828.

Namnet på øya kjem frå det norrøne Keld-Eye, som tyder «Kald øy». Det walisiske namnet «Ynys Bŷr» viser til abbeden Pyr, som styrte klosteret her på 500-talet.[2]

Bakgrunnsstoff[endre | endre wikiteksten]

Kjelder[endre | endre wikiteksten]

  1. «Caldey Island». Caldey Island.co.uk. http://www.caldey-island.co.uk/. Henta 5 May 2013. 
  2. Royal Commission on the Ancient and Historical Monuments of Wales (1925, repr. 1977). An Inventory of the Ancient Monuments of Wales and Monmouthshire: VII - County of Pembroke. HMSO. OCLC 220312341.  Oppgjeve av Engelsk Wikipedia.

    • Engelsk Wikipedia oppgav desse kjeldene:
  • Royal Commission on the Ancient and Historical Monuments of Wales (1925, repr. 1977). An Inventory of the Ancient Monuments of Wales and Monmouthshire: VII - County of Pembroke. HMSO. OCLC 220312341.