Charlie Jenkins
| Charlie Jenkins | |
|
| |
| Statsborgarskap | USA |
| Fødd | 7. januar 1934 (90 år) New York by |
| Idrett | friidrett |
| Tok del i | Sommar-OL 1956 |
Charlie Jenkins, fullt namn Charles Lamont Jenkins, (fødd 7. januar 1934) er ein USA-amerikansk tidlegare friidrettsutøvar som i 1956 vart olympisk meister på 400 meter og i 4 x 400 m stafett.
I 1955 vart Jenkins AAU-meister på 440 yards. Ved dei USA-amerikanske uttaka til Sommar-OL 1956 kom han på tredjeplassen på distansen, klart slått av verdsrekordhaldar Lou Jones som vann uttaksløpet.
Under dei olympiske sommarleikane i Melbourne vart Jenkins berre nummer tre i sitt kvartfinaleheat på 400 m, men imponerte stort med siger og bestetid 46,1 sekundar (46,19) i semifinalane. I finalen sprang han i mål på tida 46,7 og vann framfor tyske Karl-Friedrich Haas som fekk notert 46,8 i sluttid. To dagar seinare tok Jenkins seg av den tredje etappen for USA sitt lag som vann 4 x 400 m stafett med stor margin til Australia på andreplass. Dei andre på laget var Lou Jones, Jesse Mashburn og ankermann Tom Courtney.
Sonen Chip Jenkins deltok under Sommar-OL 1992 på USA sitt lag i kvalifiseringa til finalen 4 x 400 m stafett, men vart vraka til finalemannskapet. Han vert likevel rekna som olympisk gullmedaljevinnar. Det var fyrste gongen far og son stod som olympiske meistrar i same øving.
Kjelder
[endre | endre wikiteksten]- Denne artikkelen bygger på «Charles Jenkins» frå Wikipedia på engelsk, den 23. juli 2018.
- «Charlie Jenkins» (på engelsk). Olympedia. Henta 12. mars 2023.