Christian Schenk

Frå Wikipedia – det frie oppslagsverket
Hopp til navigering Hopp til søk
Christian Schenk
Bundesarchiv Bild 183-1989-0528-012, Ulf Timmermann, Christian Schenk im Gespräch.jpg
Til venstre Christian Schenk, i samtale med Ulf Timmermann
Fødd 9. februar 1965
Rostock
Yrke friidrettsutøvar
Christian Schenk på Commons

Christian Schenk (fødd 9. februar 1965) er ein tysk tidlegare mangekjempar frå Rostock som vart olympisk meister i tikamp under Sommar-OL 1988 i Seoul og i tillegg vann bronsemedaljen i øvinga både i EM 1990 og VM 1991. Schenks bestenotering på 8 500 poeng oppnådde han under verdsmeisterskapen 1993 i Stuttgart. Han representerte Aust-Tyskland til 1990, sidan 1991 det samla Tyskland.

Far til Christian Schenk var austtysk meister i hekkeløp på 1950-talet. Christian Schenk tok sjølv til med friidrett og frå 1982 spesialiserte han seg i tikamp. I 1984-sesongen kleiv han med 8 043 peng for fyrste gong over 8 000-poenggrensa. Etter å ha vorte femtemann i VM 1987, 75 poeng bak bronsevinnaren, vann han i 1988 den olympiske gullmedaljen med 99 fleire poeng enn lagkameraten Torsten Voss. Særleg imponerte Schenk i høgdehopp der han gjekk over 2,27 meter, det høgste høgdehoppet nokon gong i ei tikamptevling, eit hopp han gjorde i dykkstil, medan alle konkurrentane nytta den nyare flopp-stilen.

Storvaksne Schenk heldt seg i verdstoppen også dei neste fem åra. Både i EM 1990 og VM 1991 hamna han på bronseplassen, i EM fattige tre poeng bak sølvmedaljøren. Han deltok ikkje i Sommar-OL 1992, grunna skade i uttakstevlinga. I verdsmeisterskapen 1993 forbetra Schenk sitt personbeste i tikamp med 12 poeng til 8 500 poeng, måtte likevel nøye seg med fjerdeplassen. Same sesongen vart han tysk meister i tikamp, hans fyrste nasjonale meistertittel ettersom han aldri vart betre enn nummer to i ein austtysk meisterskap. Schenk la opp i 1994.

Medaljar og plasseringar i internasjonale meisterskap[endre | endre wikiteksten]

  • VM 1987 i Roma: Nr 5 – 8 304 poeng
  • OL 1988 i Seoul: Gullmedalje – 8 488 poeng, framom Torsten Voss (8 399)
  • EM 1990 i Split: Bronsemedalje – 8 433 poeng, bakom Dezső Szabó (8 436)
  • VM 1991 i Tokyo: Bronsemedalje – 8 394 poeng, framom Robert Změlík (8 379)
  • VM 1993 i Stuttgart: Nr 4 – 8 500 poeng, bak Paul Meier (8 548)

Kjelder[endre | endre wikiteksten]