Claus Jervell

Claus Jervell
Statsborgarskap	Noreg
Fødd	20. april 1812
Død	10. juli 1867 (55 år)
Yrke	politikar
Språk	norsk

Claus Steffensen Jervell (20. april 1812–10. juli 1867) var ein norsk kjøpmann, meklar og stortingsmann frå Molde.

Jervell var son av ein kjøpmann i Molde. Han var sjølv kjøpmann i heimbyen i mange år, heilt til han gjekk konkurs. Flytta kring 1858 til Trondheim, der han dreiv som skipsmeklar.

I 1857 møtte Jervell som representant for Ålesund og Molde på Stortinget, var sekretær i protokollkomiteen. Han møtte ikkje på Stortinget i 1858, då boet hans var under handsaming i skifteretten.

Jervell døydde i Trondheim i 1867, båra vart ført til Molde og gravlagd der.

Kjelder

• Lindstøl, Tallak: Stortinget og Statsraadet 1814-1914. Kristiania, 1914