Connie Francis

Connie Francis
Fødd	12. desember 1937
Fødestad	Newark
Død	16. juli 2025 (87 år)
Dødsstad	Pompano Beach
Fødenamn	Concetta Rosemarie Franconero
Alias	Connie Francis
Opphav	USA
Aktiv	1943–2018
Sjanger	popstandardard, rock and roll, country pop, jazz, country, folkemusikk, pop, vokaljazz
Instrument	trekkspel, vokal, pianotrekkspill
Plateselskap	MGM Records, Polydor Records, United Artists Records, Malaco Records, Legacy
Verka som	songar, fjernsynsskodespelar, låtskrivar, filmskodespelar, forfattar, musikar, skodespelar
Prisar	Awit Awards, Italian Walk of Fame

Connie Francis (12. desember 1937–16. juli 2025) var ein USA-amerikansk songar frå Newark i New Jersey. Francis hadde fleire internasjonale hittar i 1950- og 1960-åra. Blant dei best kjende er «Who's Sorry Now?», «Lipstick on Your Collar», «Somewhere My Love» og «Stupid Cupid». Ho toppa hitlistene fleire gonger, som med «Everybody's Somebody's Fool».

Francis heitte opphavleg Concetta Rosemarie Franconero. Ho kom frå ein italiensk-amerikansk familie og voks opp i bydelen Italian Down Neck, eller Ironbound, i Newark i New Jersey, etter å ha levd dei første åra av livet i Brooklyn.

Ho byrja tidleg å opptre offentleg. Som tiåring var ho med i det amerikanske fjernsynsprogrammet Startime, der unge talent fekk sjansen til å visa seg fram. Ho opptredde først med trekkspel, men gjekk snart over til å berre synga. Det var her ho fekk det kortare artistnamnet Connie Francis.

Connie Francis gav ut sin første singel i 1955, men fekk ikkje stor suksess før i 1957 med «Who's Sorry Now?». Francis spelte inn plater på tretten språk i løpet av karrieren: Engelsk, fransk, gresk, italiensk (og dialekten napolitansk), hawaiisk, hebraisk, japansk, jiddisch, latin, nederlandsk, portugisisk, svensk og tysk. Under ein live-konsert i Braşov i Romania i mars 1970 sang ho også på rumensk.

Kjelder

• Denne artikkelen bygger på «Connie Francis» frå Wikipedia på bokmål, og «Connie Francis» frå Wikipedia på svensk den 17. november 2016.