Conrad Clausen

Frå Wikipedia – det frie oppslagsverket
Hopp til navigering Hopp til søk
Conrad Clausen
Fødd 21. november 1902
Tacoma
Død

27. mai 1990

Conrad Gudrow Clausen (21. november 190227. mai 1990) var ein lærar, redaktør, historikar og forfattar frå Askøy.

Liv[endre | endre wikiteksten]

Clausen var fødd i Tacoma i USA og kom til Noreg i 1908. Han hadde utdanninga si frå Elverum lærarskule og underviste ved ymse skular på Askøy.

Conrad Clausen var med og fekk reist bauta over Olav Nygard i Modalen i 1931. Han fekk reist steinkrossen over Kirkia à Aske (fyrste kyrkja på Askøy, truleg bygd kring 1150). Clausen fekk òg reist Håkonarminnet på Håkonarhaugen på Seim i 1961 og minnesmerke over diktaren Ragnvald Vaage i Kvinnherad (1972). Han var dessutan med og fekk reist bauta over Arne Bjørndal i Hosanger og minnesmerke over Olaf Hanssen på Os (1983).

Clausen vart nytta mykje som kåsør i NRK mellom anna i programmet Middagsstunden.

Conrad Clausen var ein nær ven av diktaren Olav Lavik.

Redaktør og lagmann[endre | endre wikiteksten]

Han var redaktør for fylgjande blad og skrifter:

  • Ung Norig 1930 - 1938
  • Norsk Jol 1930 -
  • Frå Fjon til Fusa 1948 - 1990
  • Askøy Tidend 1950 - 1978
  • Verden Venter 1950 - 1984

Han var formann i fylgjande lag:

  • Askøy Mållag 1926 - 1929
  • Nygardsringen 1929 -
  • Nord- og Midhordland Sogelag 1950 - 1984
  • Noregs Fredslag 1950 - 1975, Rådspresident i Noregs Fredslag 1975 - 1990
  • Norrønalaget Bragr - 1990

Verkliste[endre | endre wikiteksten]

Conrad Clausen skreiv og/eller redigerte:

  • Runor rita minnet om Olav Nygard 1951
  • Olav Nygard og Petra Krøvel 1933
  • Starkad 1933
  • Askøy Herad i Hundrad år 1937
  • Sjøormen og andre fabeldyr 1939
  • Lensmennene i Hordaland 1951
  • Arne Bjørndal: Norsk folkemusikk. Festskrift til 70-års dagen 1952
  • Ask kapell i 50 år, saman med Ingvald Fluge og Magne Skeie 1958
  • Vestmannalaget i 110 år, saman med Hannaas og Jerdal 1978
  • Ei bok um Olaf Hanssen 1983
  • Festskrift til Knut Horvei på 90-års dagen 1983
  • Olav Nygard: Dikt i samling 1984
  • Festskrift til Ludvig Jerdal på 80-års dagen 1988
  • I tillegg kjem "Bragr-bøkene" - ei samling på i alt 11 bøker som kom ut i eit tidsrom på 20 år, frå 1968 til 1988.

Prisar og utmerkingar[endre | endre wikiteksten]

Conrad Clausen fekk:

  • Kongens Fortenestemedalje i gull i 1972
  • Nordhordlandsprisen frå Ostereidet mållag i 1978
  • Askøy kommune sin kulturpris "Kipekjerringa" i 1985
  • Riddar av Islands Falk med heidersbrev frå Forseti Islands i 1990

Han fekk òg ymse andre heidersprisar som:

  • Gjelsvikprisen frå Norsk Måldyrkingslag
  • Halldor O. Opedals fond for norsk målreising og måldyrking

og honnørprisar frå Fritz Monrad Walles fond.

Kjelder[endre | endre wikiteksten]

  • Det er landet og soga som kallar Minneskrift Conrad Clausen 1902 - 2002. (Norsk Bokreidingslag)

Bakgrunnsstoff[endre | endre wikiteksten]