Dale i Sunnfjord

For andre tydingar av oppslagsordet, sjå Dale.

Dale
stad
Dale i Sunnfjord (Panorama)
Land	Noreg
Fylke	Vestland
Kommune	Fjaler
Areal	1,19 km²
Folketal	1 231  (2023)
Folketettleik	1 034 / km²
Postnummer	6963 DALE I SUNNFJORD
Preposisjon	i Dale
Ferdselsårer	57/609
Dale i Sunnfjord 61.363055555556°N 5.3980555555556°E / 61.363055555556; 5.3980555555556
Wikimedia Commons: Dale (Fjaler)

Frå Dale sentrum

Foto: Jan-Tore Egge

Etter at Dalsfjordbrua opna, er det slutt på fergetrafikken i Dale.

Dale er kommunesenter i Fjaler kommune i Sunnfjord i Vestland fylke. Bygda ligg ved Dalsfjorden, og har 1 231 innbyggjarar per 1. januar 2023. Bygda er kommunesenteret i Fjaler og har dermed kommunehuset med kontor til administrasjonen. I desember 2013 opna Dalsfjordbrua som knyter saman Askvoll kommune og Fjaler kommune.

Kultur og industri

I Dale finn ein Klokkargarden, fødestad åt diktaren Jakob Sande, Nordisk Kunstnarsenter på Dalsåsen og designstudioet Ralston & Bau og idéfabrikken Transplant. I tillegg så driv Dale Ungdomsslag Fjaler Kino på frivillig basis. Kinoen held til i ungdomshuset Trudvang som ligg langs fv. 57 mellom Dale sentrum og Dingemoen skule.

Utdanning

Dale har vore utdanningssentrum for området i mange år, og i dag finn ein Dingemoen barneskule, Fjaler ungdomsskule og Dale vidaregåande skule i bygda.

Transport

Frå rutebilstasjonen i Dale sentrum går det fleire bussar mellom anna til Førde og Bergen via Fylkesveg 57 eller snøggbåt. Bygda ligg 25 min frå Førde lufthamn, Bringeland.

Dalsfjordsambandet

I desember 2013 opna Dalsfjordbrua for trafikk. Den knyter saman Fjaler kommune med Askvoll kommune. Dalsfjordsambandet består av ny fylkesveg nummer 609 frå Eikenes til Nishammaren i Dale og ny fylkesveg nummer 57 frå Fjaler Sjukeheim til Sætenes. Dalsfjordsambandet inneheld tre nye tunnelar, der to av tunnelane ligg i Askvoll kommune og den siste ligg i Fjaler kommune, og sist men ikkje minst Dalsfjordbrua over Dalsfjorden. Desse tre tunnelane heiter Dalsfjordtunnelen, Ottersteintunnelen og Nishammartunnelen. Nishammartunnelen ligg i Fjaler kommune og er ein av få tunnelar i Noreg med rundkøyring inne i fjellet.

Dalsfjordsambandet erstatta det gamle ferjesambandet Dale-Eikenes mellom Eikenes og Dale ferjekai.

Folketalsutvikling

Folketalsutvikling i Dale
År			Innbyggjarar
1920			206
1930			463
1946			666
1950			728
1960			813
1970			967
1980			924
1990			935
2000			905
2009			980
2012			1 063
Kjelder: SSB: Norske folketeljingar

Kjelder

• http://www.dalsfjordbrua.no/ Arkivert 2014-02-01 ved Wayback Machine.