Damfrosk
| Damfrosk | |
 Damfrosk | |
| Status | |
Status i verda:  LivskraftigStatus i Noreg:  Kritisk truga[1]
| |
| Systematikk | |
| Underrekkje: | Virveldyr Vertebrata |
| Klasse: | Amfibium Amphibia |
| Orden: | Halelause padder Anura |
| Underorden: | Neobatrachia |
| Overfamilie: | Ranoidea |
| Familie: | Halelause padder Ranidae |
| Slekt: | Pelophylax |
| Art: | Damfrosk P. lessonae |
| Vitskapleg namn | |
| Pelophylax lessonae | |
Damfrosk (Pelophylax lessonae) høyrer til gruppa ekte froskar, og er den sjeldnaste frosken i Noreg, der han ikkje blei registrert før i 1986. Han likar seg i grunne dammar på stader med mykje sol, og mange insekt. I fleire land, mellom anna England, er damfrosken utrydda, og det var han nær ved å bli i Arendal òg. I dag finst der kring 50 levande individ igjen.[2] Fisk som et rumpetroll er eit problem, og arten er kategorisert som kritisk utryddingstrua på norsk raudliste 2006, 2010, 2015 og 2021 (i same kategori som fjellrev og ulv).[1]
I Europa er arten vanleg nokre plassar, og populasjonen i Arendal blir rekna som ein av dei nordlegaste i verda, og ved sidan av ein populasjon i Uddevalla er dette den einaste ved Skagerrak. Han kan ha kome hit ein gong då klimaet var mildare, kanskje for fleire tusen år sidan. Individa som har overlevd har gjennom generasjonar tilpassa seg eit kaldare klima enn artsfrendane lenger sør i Europa, og nettopp difor er det viktig at dei nordlege populasjonane ikkje blir utrydda, men blir verande som ein del av den genetiske variasjonen innanfor arten.
Det er politisk vedtatt at det biologiske mangfaldet skal oppretthaldast i Noreg, og difor blir det nå gjort tiltak i regi av miljøavdelinga hos fylkesmannen i Aust-Agder slik at damfrosken skal få utvida område å leva i.[1]
Raudlistevurdering[endre | endre wikiteksten]
Damfrosken blir vurdert til kritisk trua CR grunna ein sterk reduksjon i populasjonsstorleik (85%) i løpet av dei dei siste 10 åra, eit svært lite utbreiingsområde og eit svært avgrensa førekomstareal som er kraftig fragmentert (frå førekomsten i Sverige) og som består av få lokalitetar og få reproduserande individ. Vidare har arten ein svært liten populasjonsstorleik på mindre enn 50 reproduserande individ.[1]
Fotnotar[endre | endre wikiteksten]
- ↑ 1,0 1,1 1,2 1,3 Dervo B, Strøm BS og van der Kooij J (24. november 2021). «Amfibier og reptiler: Vurdering av damfrosk Pelophylax lessonae for Norge. Norsk rødliste for arter 2021.». Artsdatabanken. Henta 11. mars 2022.
- ↑ «Artsdatabankens artsopplysningar». Artsdatabanken. 11. mars 2022. Henta 11. mars 2022.
