Derrick Adkins
| Derrick Adkins | |
|
| |
| Statsborgarskap | USA |
| Fødd | 2. juli 1970 (54 år) Brooklyn |
| Idrett | friidrett |
| Tok del i | Sommar-OL 1996, VM i friidrett 1991, VM i friidrett 1993, VM i friidrett 1995, VM i friidrett 1997 |
Derrick Adkins (fødd 2. juli 1970) er ein USA-amerikansk tidlegare friidrettsutøvar frå New York som vart verdsmeister 1995 og olympisk meister 1996 i 400 meter hekk.
Aktiv
[endre | endre wikiteksten]Adkins slo gjennom i 1991-sesongen, då han vann 400 meter hekk under universiaden i Sheffield og vart sjettemann i VM i Tokyo. To år seinare kom han på sjuandeplass i Stuttgart-VM.
Hans fyrste store meisterskapstriumf kom i 1995 under VM i Göteborg, der han vann gullmedaljen på langhekken fem hundredelar framom zambiaren Samuel Matete. Under Sommar-OL 1996 i Atlanta stod gullstriden atter mellom Adkins og Matete, og nok ein gong vann Adkins, då med 24 hundredelars forsprang.
Adkins siste internasjonale meisterskap vart VM 1997, der han rauk ut i semifinalane.
Medaljar og plasseringar i internasjonale meisterskap
[endre | endre wikiteksten]- VM 1991 i Tokyo: Nr 6 på 400 m hekk – 49,28
- VM 1993 i Stuttgart: Nr 7 på 400 m hekk – 49,07
- VM 1995 i Göteborg: Gullmedalje – 47,98, framom Samuel Matete (48,03)
- OL 1996 i Atlanta: Gullmedalje – 47,54, framom Samuel Matete (47,78)
- VM 1997 i Aten: Utslått i semifinalane (nr 14 – 48,95)
Kjelder
[endre | endre wikiteksten]- Denne artikkelen bygger på «Derrick Adkins» frå Wikipedia på engelsk, den 13. august 2016.
- «Derrick Adkins» (på engelsk). Olympedia. Henta 11. mars 2023.