Dorogobuzj

Dorogobuzj
Дорогобуж
by
Dorogobuzj med elva Dnper i bakgrunnen.
Våpenskjold
Land	Russland
Føderasjonssubjekt	Smolensk oblast
Areal	10 km²
Folketal	8 962 (1. januar 2025)
Først nemnd i	1150
Retningsnummer	+7 48144
Bilnummer	67
Dorogobuzj 54.92°N 33.307777777778°E / 54.92; 33.307777777778
Wikimedia Commons: Dorogobuzh

Dorogobuzj (russisk Дорогобуж, polsk Dorohobuż) er ein historisk by i Smolensk oblast i Russland med om lag 9 000 innbyggjarar. Han ligg ved elva Dnepr, 85 km aust for Smolensk.

Historie

Dorogobuzj og Dnjepr før revolusjonen i 1917.

Byen oppstod før den mongolske invasjonen av Russland som ei festning for å forsvare Smolensk mot åtak frå aust. I 1508 sende Vasilij III italienske meisterhandverkarar dit for å bygge eit trefort på staden. Byen vart plyndra under urotida og folkesetanden vart redusert til berre ti mann i 1614. Mellom 1611 og 1668 høyrte byen til det polsk-litauiske samveldet. Byen har seinare overlevd andre invasjoner og fleire brannar.

Attraksjonar

Stadane av størst historisk interesse ligg utanfor sjølve byen. Aleksino-godset frå 1700-talet var kjend for oppdrett av Orlov-hingstar. Boldinklosteret frå 1400-talet vart renovert av Godunovfamilien på slutten av 1500-talet. Godunovene førte opp ein femkupla katedral, eit refektorium med spir og eit søyleliknande klokketårn på staden. I følgje Peter Baranovskij representerte klosteret det best bevarte 1500-tals klosterkomplekset i Aust-Europa. Klosteret vart sprengd under tilbaketrekkinga til tyskarane i 1943, men er vorte delvis gjenoppbygd på 1990-talet.

Bakgrunnsstoff

Commons har multimedium som gjeld: Dorogobuzj