Finsk hest

Frå Wikipedia – det frie oppslagsverket
Hopp til navigering Hopp til søk
Finsk hest trekkjer bil, ein del av bruksprøva for hingstar av trekkhesttype frå 1936 til 1970.

Finsk hest er ein kaldblodshest med opphav i Finland.

Skildring[endre | endre wikiteksten]

Finsk hest er ein mellomstor, sterkbygd hest. Raud er den vanlegaste fargen, ofte med lysare man og hale. Rasen er allsidig, og vert delt inn i fire typar etter storleik og bruksområde; trekkhesttype, ridetype, travtype og ponnitype. Bruksprøver vert systematisk nytta i avlsarbeidet. I Finland vert mellomstore, mellomtunge hestar som finsk hest og fjording kalla universalhest.

Historie[endre | endre wikiteksten]

Stamboka til den finske hesten går tilbake til 1907. På 50-talet var det så mange som 400.000 finske hestar, men etter mekaniseringa av jordbruket sokk talet til 14.100 i 1987. Talet på hestar tok seg opp att på grunn av at bruken som ridehest og travhest auka.

Førekomst[endre | endre wikiteksten]

Finsk hest finst over store delar av verda.

Bruk[endre | endre wikiteksten]

Opphavleg vart rasen brukt i jordbruk og skogbruk, men i dag er det mest vanleg å bruke han til rekreasjonsriding og travsport.

Kjelder[endre | endre wikiteksten]