George Chinnery
| George Chinnery | |
 Sjølvportrett, ca. 1840 | |
| Statsborgarskap | Kongeriket Storbritannia, Det sameinte kongeriket Storbritannia og Irland |
| Fødd | 5. januar 1774 Gough Square |
| Død |
30. mai 1852 (78 år) |
| Yrke | kunstmålar |
| Sjanger | portrett |
| George Chinnery på Commons | |
George Chinnery (5. januar 1774–30. mai 1852) var ein engelsk målar som hovudsakleg levde og verka i Asia, særleg i India og sørlege Kina.
Liv
[endre | endre wikiteksten]Chinnery var fødd i London. Han budde ei tid i Irland, der han hadde noko suksess som kunstnar. I 1799 gifta han seg med Marianne Vigne i Dublin. I 1801 reiste han frå kona og to barn tilbake til London. Derfrå reiste han til Madras (Chennai) med skipet «Gilwell» i 1802. Chinnery etablerte seg i Madras og Calcutta (Kolkata) som den leiande britiske kunstnaren i India. Aukande gjeld gjorde at han i 1852 flytta vidare til sørlege Kina.
Frå 1825 til han døydde i 1852 budde Chinnery i Macao,[1] men fram til 1832 vitja han også jamleg Canton (Guangzhou). Han måla portrett av kinesiske og vestlege kjøpmenn og kapteinar med familiar, lokalt folkeliv og landskap. I 1846 vitja Chinnery Hong Kong i eit halvt år. Her leid han av dårleg helse, men klarte å laga detaljerte studiar frå den nye britiske kolonien. Han døydde i Macao i 1852 og er gravlagd i den gamle protestantiske gravlunden der.[1]
Verk
[endre | endre wikiteksten]
Chinnery er særleg kjend for si portettering av den indiske familien til James Achilles Kirkpatrick, den britiske sendemannen til nizamen av Hyderabad som hadde gjort stor skandale ved å gifta seg med Khair-un-Nissa, grandniesa til nizamen sin øvsteminister. Måleriet hans The Kirkpatrick Children viser dei med ein «sympati som er uvanleg i portrett frå denne perioden; guten ser strakt mot tilskodaren i ei sjølvmedvita stilling, med handa på hofta, medan jenta ser ukomfortabelt i bakken».[2]
I tillegg til sin kunstnariske verdi er måleria til Chinnery viktige historiske vitnesbyrd. Han var den einaste vestlege kunstnaren til stades i Sør-Kina i første delen av 1800-talet, og skildra det samtidige landskapet og livet til vanlege folk i Perleelvdeltaet. Han avbilda også personar som dei skotske opiumshandlarane William Jardine[3] og James Matheson og dagbokskrivaren Harriet Low.[4]
Stilen hans påverka den kantonesiske kunstnaren Lam Qua, som også blei ein populær portrettmålar blant vestlege klientar i Kina.
Galleri
[endre | endre wikiteksten]-
Mann med kvistfang, ca. 1799. -
![Akvarell på elfenbein av Catherine Sherson (fødd Taylor), 1802–03[5]](//upload.wikimedia.org/wikipedia/commons/thumb/2/29/Catherine_Sherson.jpg/250px-Catherine_Sherson.jpg)
Akvarell på elfenbein av Catherine Sherson (fødd Taylor), 1802–03[5] -
Hong-kjøpmannen Howqua (1830), kjend som ein av dei rikaste i verda. -
Thomas Richardson Colledge med pasientar, 1833-1835. -
Ein engelsk familie i Macao, ca. 1835. -
Gatescene i Macao, 1840-1845. -
Kinesiske djunker, ca. 1850.
![Akvarell på elfenbein av Catherine Sherson (fødd Taylor), 1802–03[5]](/wiki/Fil:Catherine_Sherson.jpg)
Kjelder
[endre | endre wikiteksten]- ↑ 1,0 1,1 Shyama Peebles. «Old Protestant Cemetery in Macau» (PDF). Henta May 31, 2011.[daud lenkje]
- ↑ "[with a] sympathy that is rare in portraiture of the period; the boy looking straight at the viewer with a self-conscious stance, hand on hip, while the girl looks uncomfortably at the floor." Adrian Hamilton (5. desember 2011). «The Independent, ''An Indian Summer'', 5 December 2011». Independent.co.uk. Henta 11. april 2013.
- ↑ Keswick, Maggie; Weatherall, Clara (2008). The thistle and the jade:a celebration of 175 years of Jardine Matheson. Francis Lincoln Publishing. ISBN 978-0-7112-2830-6. p.18 Online-versjon ved Google books[daud lenkje]
- ↑ Don Grant (January 2012). «The Flamboyant Mr. Chinnery». Kensington & Chelsea Today. Arkivert frå originalen 3. august 2012. Henta January 8, 2012.
- ↑ «Portrait of Catherine Sherson, born Taylor». Paintings & Drawings. Victoria and Albert Museum. Henta 17. oktober 2007.
- Denne artikkelen bygger på «George Chinnery» frå Wikipedia på engelsk, den 22. juni 2015.
