Francisco Goya

Francisco Goya
Statsborgarskap	Spania
Fødd	30. mars 1746 Fuendetodos
Død	16. april 1828 (82 år) Bordeaux
Yrke	kunstmålar, grafikar, litograf, raderer, grafikar, teiknar, biletkunstnar
Sjanger	portrettmåleri, mytologisk maleri, slagmaleri, historiemåleri, religiøst maleri, portrett, sjangermåleri, stilleben
Medlem av	Real Academia de Nobles y Bellas Artes de San Luis
Far	José Benito de Goya y Franque
Mor	Gracia de Lucientes y Salvador
Ektefelle	Josefa Bayeu
Born	Francisco Javier Goya Bayeu
Francisco Goya på Commons

Francisco José de Goya y Lucientes (30. mars 1746–16. april 1828) var ein spansk kunstmålar og grafikar. Han var knytt til hoffet i Madrid, og arbeida for kongane Karl IV og Ferdinand VII. Han er kalla far til den moderne kunsten.

Goya var ein evnerik portrettmålar i tradisjonen frå Velázquez og Rembrandt, og han hadde stor påverknad på seinare kunstnarar som Édouard Manet. Goyas arbeid er prega av ein personleg stil og eit sterk sosialt samvit. Han produserte historiske og samfunnsdokumentariske komposisjonar, og karikaturar av kvardagsliv og eventyrscener. Mellom hans sterkaste og mest kjende arbeid er ein serie bilete som framstiller krigens gru og lidingar.

Goya vart gradvis døv frå 1792. Mot slutten av livet levde han eit inneslutta og produserte skremmande og gåtefulle bilete av galskap og livets skuggesider. Hans måleri frå denne perioden vert kalla Pinturas negras og enkelte menar at dette er eit varsel om den seinare ekspresjonistiske kunsten.

Goya levde sine siste år i sjølvpålagt politisk eksil i Bordeaux i Frankrike.

Galleri

• 
  Francisco de Goya, sjølvportrett 1815.
• 
  Den nakne Maja 1799–1800
• 
  Den påkledde Maja 1800–1803
• 
  Goya sitt gruppeportrett av den spanske kongefamilien frå 1801 braut med tidlegare idealiserande tradisjonar.
• 
  Den 3. mai 1808: Avretting i Madrid.

Bakgrunnsstoff

Commons har multimedium som gjeld: Francisco Goya

• Triumph of the will. Artikkel om dei seine arbeida til Goya.