Halvor Olsen Folkestad

Frå Wikipedia – det frie oppslagsverket
Hopp til navigering Hopp til søk
Halvor Olsen Folkestad
Fødd 28. november 1807
Død

30. september 1889

Yrke politikar

Halvor Olsen Folkestad (28. november 180730. september 1889) var ein norsk biskop og politikar. Han var den fyrste biskopen i Hamar bispedømme i nyare tid, frå 8. juni 1864 til 30. juni 1887.

Liv og gjerning[endre | endre wikiteksten]

Folkestad var son til ein gardbrukar i Bø i Telemark. I unge år var han omgangsskulelærar i heimbygda. Sidan studerte han ved universitetet i Christiania og vart cand. theol. i 1836 med beste karakter. Frå 1841 var han sokneprest i Mo i Telemark. Sidan hadde han same stillinga i Kviteseid 1849-59, der han også styrde lærarskulen i bygda. Etter fem år, 1859-64, som sokneprest i Halden vart han biskop i Hamar, eit embete han hadde til få månader før han døydde. I 1875 tok han del i interimsregjeringa.

Folkestad var med i kommisjonen som førebudde skulelova av 1860. Tida 1859-70 tok han del i den store kyrkjekommisjonen. Han arbeidde også for ein type folkehøgskule i N.F.S. Grundtvig si ånd, men fjerna seg med åra bort frå grundtvigianarane. Folkestad var ein framifrå forkynnar og fekk i 1873 tittel som «overhoffpredikant».

Kjelder[endre | endre wikiteksten]

  • Norsk Allkunnebok, IV.bandet, 1952-53