Husevågøy

Husevågøy
Husevåg Foto: Svein-Magne Tunli
Geografi
Stad	Nordfjord
Koordinatar	61.9096°N 5.0468°E / 61.9096; 5.0468
Areal	9,3 km²
Høgaste punkt	Krabbestighelda (330 moh.)
Administrasjon
Land	Noreg
Fylke	Vestland

Husevågøy er ei øy i Kinn kommune i Vestland. Øya ligg ytst i Nordfjord, mellom Bremangerlandet og øya Vågsøy og har eit areal på 9,3 km². Husevågøy og dei mindre naboøyane Grindøya, Gangsøya og Risøya har til saman 33 innbyggjarar (2024). Den største busetnaden på staden er Husevåg. Det er ferjesamband med Måløy og Oldeide. Namnet kjem av gardsnamnet Husevåg. Det viser til bustadhus i vågen, og at andre vågar i nærleiken mangla dette.

Frå gamalt av var det ein enkel bygdeveg gjennom sjølve grenda Husevåg. I 1975 vart det bygd veg Ramsevik-Tytingvåg-Krabbestig. I 1989 vart det bygd veg over fjellet frå Husevåg til Ramsevik. Tanken var å halde fram med vegen heilt fram til ferjekaia ved Våganeset, men denne siste stubben kom ikkje før i 1992.

Det er funne buplassar frå steinalderen og eit helleristningsfelt på øya.

Fram til 1965 var øya del av Davik kommune. Frå 1965 til 2020 var ho del av Vågsøy kommune.

Folketalsutvikling:

1801	1900
47	183

Fotogalleri

• 
  Husevåg sett frå toppen av Blåfjellet
• 
  Husevåg
• 
  Husevåg
• 
  Hamna i Husevåg
• 
  Fiskebåtar i hamna i Husevåg
• 
  Hamna i Husevåg
• 
  Hamna i Husevåg
• 
  Busetnad i Husevåg
• 
  Sjøhus i Vågen
• 
  Husevåg
• 
  Hovdeneset
• 
  Solnedgang i Husevåg
• 
  Sjøhus i Vågen i Husevåg
• 
  Utsikt frå Blåfjellet mot Rønelden
• 
  Helleristningar i Færeldemyra under Krabbestigen
• 
  Trollhola

Bakgrunnsstoff

• Store norske leksikon
• Fakta og informasjon om Husevågøy
• Arkeologisk tidsskrift - Helleristninger på Husevågøy (side 7-9)
  Denne geografiartikkelen som har med Vestland å gjere, er ei spire. Du kan hjelpe Nynorsk Wikipedia gjennom å utvide han.