Ida Schöpfer

Ida Schöpfer
Statsborgarskap	Sveits
Fødd	29. oktober 1929 Flühli
Død	7. juni 2014 (84 år) Flühli
Idrett	alpint
Tok del i	Vinter-OL 1952
Utmerkingar	Årets idrettsutøvar i Sveits

Ida Schöpfer (22. oktober 1929–7. juni 2014) var ein sveitsisk skirennar frå Flühli i kantonen Luzern. Ho vart i 1954 verdsmeister i både utfor og den alpine kombinasjonen. Ti gongar vart ho sveitsisk meister.

Schöpfer slo gjennom nasjonalt då ho i 1948 vart sveitsisk meister i kombinasjonen. Året etter fekk ho plass på det sveitsiske skilandslaget, og var den fremste sveitsiske kvinnelege alpinisten åra 1951-54.

Under Vinter-OL 1952 i Oslo kom ho på 10. plass i utfor og 16. plass i storslalåm. To år seinare, under VM i alpint 1954 i Åre i Sverige, slo ho favoritten Trude Klecker frå Austerrike med eit tidels sekund og tok gull i utfor. Deretter vart ho nummer åtte i storslalåmtevlinga, før ho fekk sølvmedaljen i slalåm etter ein framifrå andreomgang. Slalåmresultatet gjorde at ho også gjekk til topps i den alpine kombinasjonen, med klar margin til landskvinna Madeleine Berthod.

Ida Schöpfer-Bieri døydde i heimstaden Flühli, 84 gammal.

Kjelder

• (en) Ida Schöpfer – Profil og resultatoversikt i olympiske konkurransar på sports-reference.com.
• (en) Ida Schöpfer – Profil og resultatoversikt hos FIS

• Denne artikkelen bygger på «Ida Schöpfer» frå Wikipedia på tysk, den 18. januar 2012.