Trude Klecker

Frå Wikipedia – det frie oppslagsverket
Hopp til navigering Hopp til søk
Trude Klecker
Fødd 7. februar 1926 (94 år)
Semmering
Yrke alpinist

Trude Klecker (fødd 7. februar 1926) er ein austerriksk tidlegare alpin skirennar frå Semmering i Niederösterreich som vart verdsmeister i slalåm i 1954.

Aktiv[endre | endre wikiteksten]

Klecker vart nummer fire i storslalåm under vinterleikane 1952 i Oslo. Året etter var ho den beste kvinnelege alpinisten i Austerrike, vann alle tre tevlingane i Hahnenkamm-renna og alle dei fire øvingane i den austerrikske meisterskapen.

Vinteren 1954 vann Klecker slalåmrennet og kombinasjonen på Oppdal. To veker seinare tok ho sølvmedaljen i utforrennet under VM i alpine greiner 1954 i Åre, ein tidels sekund bakom Ida Schöpfer frå Sveits. Seinare i verdsmeisterskapen var Klecker overlegen best i slalåm-tevlinga og vann med over eitt sekund, med Ida Schöpfer på sølvplass og svenske Sara Thomasson fekk bronse.

I sitt siste store meisterskap, Vinter-OL 1956 i Cortina d'Ampezzo, enda Klecker på 12. plass i utfor. Ho la bort konkurranseskia i 1957.

Kjelder[endre | endre wikiteksten]

  • (en) Trude Klecker – Profil og resultatoversikt i olympiske konkurransar på sports-reference.com.