Ili

Ili
elv
Ili
Land	Kasakhstan, Kina
Nedslagsfelt	140 000 km²
Lengd	1 439 km
Kjelde	Elva Tekes og Kunges
Munning	Balkhasjsjøen
Ili 45.4°N 74.133333333333°E / 45.4; 74.133333333333
Wikimedia Commons: Ili River

Ili (russisk Или; kinesisk 伊犁河, Yili He) er ei elv nordvest i Kina og søraust i Kasakhstan.

Ho er 1 439 km lang der 815 km av ho ligg i Kasakhstan. Elva har kjelda si aust i Tian Shan-fjella der elvane Tekes og Kunges renn saman. Ili drenerer nedslagsfeltet mellom Tian Shan og Borohorofjella i nord.

Ho munnar ut i Balkhasjsjøen og dannar her eit omfattande elvedelta med store våtmarksområde med innsjøar, myrer og jungelliknande vegetasjon.

Ili i Kina

Byen Yining (Kulja) ligg på nordsida av elva, om lag 100 km før ho kryssar grensa. På sørsida, enno nærare grensa, ligg det autonome området Qapqal Xibe, der mange av xibe-folket i Kina held til.

Ili i Kasakhstan

Området som i Kasakhstan som vert drenert av Ili og sideelvane hennar vert på kasakhisk kalla Zjetysu («Sju elvar») eller på russisk Semiretsjije (med same tydinga).

Vasskraftverket Kaptsjagaj vart bygd frå 1965 til 1980 midt i Ili og Kaptsjagajreservoaret vart danna. Tamgaly ligg 20 km nedanfor med helleristingar. Namnet «Tamgaly» tyder «måla» eller «merka stad» på kasakhisk.

• 
  Ili
• 
  Buddhistiske helleristingar ved Ili
• 
  Ili

Sideelvar

• Kasj
• Tsjaryn, kjend for Tsjarynravinen.

Historie

Ili gav namn til Ilitraktaten i 638, som formaliserte ei inndeling av Det tyrkiske kagnatet (552-638) i Det vestlege og Det austlege tyrkiske kagnatet, og grensa mellom dei to gjekk langs Ili.

Kjelder

• Denne artikkelen bygger på «Ili River» frå Wikipedia på engelsk, den 13. januar 2008.

Bakgrunnsstoff

• Или, река Семиречинской области