Ishimmel

Ishimmel, isblink, islyse eller isglan er eit kvitt eller gulaktig gjenskin på undersida av skyene som kjem av at ei isflate reflekterer lyset opp mot skyene. Det er hovudsakleg å sjå ved lågt skydekke, som stratus og stratocumulus.

Pakkis kan på denne måten gje seg til kjenne på stor avstand. Tilsvarande ser ein mørk vasshimmel over open sjø, så fenomenet kan utnyttast til navigering i delvis islagte havområde. Dette har vorte utnytta av inuittar og ved utforskinga av nordvestpassasjen.

Snøhimmel

Liknande fenomen er snøblink eller snøhimmel og landhimmel som kjem av den forskjellige lysrefleksjonen frå ei snødekt vidde og eit relativt snøfattig skoglandskap. Dette er tydleg om våren når snøen har falle frå trea og byrja å smelte, medan det enno er samanhengande snødekke i fjellet.

Sjå òg

• Vasshimmel

Kjelder

«ishimmel» i Store norske leksikon, snl.no.

---

• Delar av denne artikkelen bygger på «Ishimmel» frå Wikipedia på bokmål, den 29. august 2011.
  • Wikipedia på bokmål oppgav desse kjeldene: