Ivar K. Hognestad

Frå Wikipedia – det frie oppslagsverket
Hopp til navigering Hopp til søk
Ivar K. Hognestad
Fødd 16. oktober 1888
Død

30. april 1973 (84 år)

Yrke politikar

Ivar Kristiansson Hognestad (16. oktober 188830. april 1973) var ein gardbrukar og Arbeidarparti-politikar frå Time, stortingsrepresentant 1934-57.

Liv og gjerning[endre | endre wikiteksten]

Hognestad gjekk åra 1908-10 landbruksskulen på Tveit i Nedstrand. Han dreiv farsgarden 1917-1954, og dyrka han mykje opp og var dessutan ein dei fyrste i distriktet som tok til med kulturbeite. Åra 1927-36 var han landbruksansvarleg i stavangeravisa 1ste Mai, og skreiv elles mange artiklar i ymse aviser og tidsskrift. I 1933 gav han ut boka Jorden og bøndene.

Hognestad var medlem av heradsstyret i Time i periodane 1919–22, 1928–40 og 1947–52. Han var styreformann i den lokale trygdekassa og i overlikningsnemnda.

Frå 1930 til 1957 var Hognestad medlem av landsstyret i Arbeidarpartiet. Ved stortingsvalet hausten 1933 vart han vald til stortingsrepresentant for Rogaland fylke og Arbeidarpartiet. Gjennom fleire attval vart han sitjande på Stortinget til 1957. Etter 2. verdskrigen var han sekretær i Finanskomiteen frå 1945 til -52 og formann i same komite i 1953-sesjonen. Den siste fireårsperioden på Tinget leia han Landbrukskomiteen. Han var då, i 1954, saksordførar for framlegget til «Lov om tilskiping av jordbruk». Også leiar 1945-49 av fråhaldsgruppa på Stortinget.

Kjelder[endre | endre wikiteksten]