Jacob van Eyck

Frå Wikipedia – det frie oppslagsverket
Gå til: navigering, søk
Jacob van Eyck
Fødd kring 1590, Nederland
Død 26. mars 1657, Utrecht i Nederland
Instrument Klokkespel, blokkfløyte, orgel
Periode Barokken
Sjanger Kammermusikk
Yrke Komponist og musikar

Jacob van Eyck (fødd kring 1590 død 26. mars 1657) var ein nederalandsk adelsmann og musikar. Han er ein av dei best kjende musikarane i Nederland på 1600-talet som klokkespelar, og ein ekspert i klokkestøyping og stemming. I tillegg var han organist, ein blokkfløytevirtuos og komponist

Van Eyck var fødd blind i ein adelsfamilie i den vesle byen Heusden. I 1625 reiste han heimefrå og vart klokkespelar i Domtårnet i Utrecht, i 1628 vart han direktør for klokkespelet i Utrecht. René Descartes, Isaac Beeckman og andre vitskapsmenn hylla kunnskapen hans innan akustikk, klokkestøyping og stemming og klokkespelar kom til Utrecht for å studere hos han.

Jacob van Eyck komponerte Der Fluyten Lust-hof (Fløytas lysthage). Utgåver av dette verket kom ut i 1644, 1646, 1649, 1654 og 1656. Der Fluyten Lust-hof er ei særs omfattande samling med solostykke for sopran blokkfløyte. Stykka er varierte og inneheld folkesongar, dansemelodiar, kyrkjeverk, salmar og songar for dagen. Sjølv i dag er desse forholdsvis utfordrande for ein dyktig blokkfløytist.

Kjelder[endre | endre wikiteksten]

Bakgrunnsstoff[endre | endre wikiteksten]