Johnny Gray

Frå Wikipedia – det frie oppslagsverket
Hopp til navigering Hopp til søk
Johnny Gray
Statsborgarskap USA
Fødd 19. juni 1960
Los Angeles
Idrett friidrett
Yrke friidrettsutøvar

Johnny Gray (fødd John Lee Gray, jr.19. juni 1960) er ein tidlegare USA-amerikansk 800-meterløpar frå Los Angeles. Ein av hans største prestasjonar var då han sette USA-amerikansk rekord på distansen med tida 1,42.60 i Koblenz, 1985.

Johnny Gray deltok på 800 meter i sitt fyrste OL under sommar-OL 1984 i heimbyen Los Angeles. Han enda her på ein sjuandeplass, men forbetra resultatet til ein femteplass til sommar-OL 1988 i Seoul. I sommar-OL 1992 tok han bronse på 800 meter på tida 1,43.97. Dette vart hans fyrste og einaste OL-medalje, men han deltok også under sommar-OL 1996 i Atlanta.

Resultata hans var synleg betre i dei panamerikanske leikane. Han deltok i leikane fyrste gongen i 1987 og tok gullmedaljen på tida 1,46.79. Neste gong Gray deltok i leikane var tolv år seinare, i 1999. Gray var no 39 år gamal, men tok ein ny gullmedalje på tida 1,45.38.

Johnny Gray vann også Bislett-medaljen i 1997 for store idrettsbragder på Bislett stadion.

Kjelder[endre | endre wikiteksten]