Karl Larsson Vefring
| Karl Larsson Vefring | |
| Statsborgarskap | Noreg |
| Fødd | 19. juni 1822 |
| Død | |
| Yrke | politikar |
| Språk | norsk |
Karl Andreas Larsson Vefring (19. juni 1822–29. juni 1900) var ein norsk gardbrukar, ordførar og stortingsmann frå Vevring i Sunnfjord.
Vefring var fyrst gardbrukar på farsgarden i ein heil del år. I 1867 kjøpte han garden Vassbotn i same soknet og flytta dit.
Vefring representerte Nordre Bergenhus amt på Stortinget i 1865-66, 1871-73 og 1877-79. I den fyrste perioden var han medlem av militærkomiteen, i den andre periodane av kyrkjekomiteen.
Vefring var ordførar frå 1869 til 1900 i den tidlegare Vevring kommune.[1]
I 1900 vart han sjuk medan han var på amtstinget. Han la då på heimferd, men døydde på Tingneset, få kilometer frå heimen.
Kjelder[endre | endre wikiteksten]
- Lindstøl, Tallak:Stortinget og Statsraadet 1814-1914. Kristiania, 1914
- Biografisk informasjon om Karl Larsson Vefring NSD Norsk senter for forskningsdatas politikararkiv
- ↑ Ordførarar i Naustdal kommune frå NRK Fylkesleksikon