Karoline Krüger
| Karoline Krüger | |||
| Fødd | 13. februar 1970 (54 år) | ||
|---|---|---|---|
| Fødestad | Bergen | ||
| Opphav | Noreg | ||
| Sjanger | pop | ||
| Instrument | piano, vokal | ||
| Plateselskap | Kirkelig Kulturverksted | ||
| Verka som | musikar, songar, pianist, låtskrivar, plateartist | ||
| Gift med | Sigvart Dagsland | ||
| Born | Sophie Krüger | ||
| Prisar | Karolineprisen | ||
Karoline Krüger (fødd 13. februar 1970) er ein norsk artist, komponist og skodespelar. Ho vart landskjend i Noreg då ho vann Melodi Grand Prix 1988 med «For vår jord», skriven av Anita Skorgan og Erik Hillestad. Songen kom på femteplass i Eurovision Song Contest same år. Seinare har Krüger etablert seg som komponist og låtskrivar for andre artistar, og ho har medverka i ei rekkje teaterførestillingar.[1][2]
Karriere
[endre | endre wikiteksten]Som 11-åring tv-debuterte Krüger med ein eigenkomponert song i programmet Halvsju på NRK.[1] Frå 1986 var ho med i allsongprogrammet Syng med oss på NRK, og ho slo gjennom nasjonalt i 1988 då ho vann Melodi Grand Prix med songen «For vår jord», medan ho framleis var elev ved Bergen katedralskole. Ho kom deretter på ein femteplass i Eurovision Song Contest 1988 i Dublin.
Seinare same år gav Krüger ut debutalbumet sitt, Fasetter. Filmmelodien «You Call It Love» selde same år over 300 000 eksemplar i Frankrike. Etter seks soloalbum har ho frå 2000-talet bevega seg frå popsjangaren og over til teateret, både som songar, skodespelar og som komponist. Ho har medverka i førestillingar som Peer Gynt – Verdensborger, Da Hana møtte henne, André Bjerke-førestillinga De to stemmer, Sondheims Company, Veggen og familieførestillinga Labyrinter! med tekster av André Bjerke. Musikken frå De to stemmer og Labyrinter! vart nominert til høvesvis Spellemannprisen 2004 i klassen viser og Spellemannprisen 2018 i klassen barnemusikk[3].
I dei siste åra har Krüger også markert seg i rein komponistsamanheng, og musikken til Veggen gav ho NOPAs musikkpris 2011. Den kyrkjemusikalske trilogien Jakobmesse, med tekst av Erik Hillestad, har vore framført i fleire nordiske land. Ho har levert album-låtmateriale til fleire norske artistar, og saman med Tor Åge Bringsværd skreiv ho den musikalske fabelen De hellige tre narrer for kor og forteljar, som vart urframført som dramatisert førestilling på NRK1 jula 2003. Frå 2014 til 2016 hadde ho ei leiande rolle i oppsetjinga om Hellemyrsfolket ved Den Nasjonale Scene i heimbyen Bergen.[4]
Siden debuten i 1988 har Krüger gjeve ut ti solo- og duettalbum og medverka på eit titals andre som komponist eller songar. Den siste utgjevinga hennar var albumet Jul, eit duettalbum saman med ektemannen Sigvart Dagsland frå 2013.[2]
Anna
[endre | endre wikiteksten]Karolineprisen er kalla opp etter Karoline Krüger. Prisen vert delt ut årleg til elevar i videregåande skule som kombinerer gode skoleresultat med topprestasjonar innan idrett, kunst og kultur.[5]
Karoline Krüger er gift med artisten Sigvart Dagsland, og paret har to døtrer, der Sophie Krüger også har etablert karriere som artist.
Diskografi
[endre | endre wikiteksten]Utdrag av singel- og albumutgjevingar av Krüger.[6]
Album
[endre | endre wikiteksten]- 1988: Fasetter (1988)
- 1989: L'etudiante – Studenten
- 1991: En gang i alles liv
- 1993: Fuglehjerte
- 1996: Den andre historien
- 1999: Sirkeldans
- 2003: Jakobmesse
- 2004: De to stemmer
- 2013: To messer for kjærlighet ( med Erik Hillestad)
- 2013: Jul (med Sigvart Dagsland)
- 2018: Labyrinter! (med Fru Nitters Rytmeorkester)
Singlar
[endre | endre wikiteksten]- 1986: «I Know It's a Lie»
- 1988: «You Call It Love»
- 1988: «For vår jord»
Kjelder
[endre | endre wikiteksten]- ↑ 1,0 1,1 Rockheim. «Karoline Krüger « Rockipedia». Rockipedia (på norsk bokmål). Arkivert frå originalen 25. april 2016. Henta 2. mai 2017.
- ↑ 2,0 2,1 «Official homepage for Karoline Krüger». Official homepage for Karoline Krüger. Arkivert frå originalen 30. september 2020. Henta 2. mai 2017.
- ↑ «Spellemann-glipp – nominert artist falt ut av listen». vg.no. 8. februar 2019. Henta 8. februar 2019.
- ↑ «Knallanmeldelser for Hellemyrsfolket». DNS. Arkivert frå originalen 2. april 2016. Henta 2. mai 2017.
- ↑ «Glåmdalen – Har du hørt om Karolineprisen?». www.glomdalen.no (på norsk). 27. januar 2009. Henta 2. mai 2017.
- ↑ «Karoline Krüger». Discogs (på engelsk). Henta 2. mai 2017.
- Denne artikkelen bygger på «Karoline Krüger» frå Wikipedia på bokmål, den 20. mars 2023.
Bakgrunnsstoff
[endre | endre wikiteksten]- Offisiell nettside
- Karoline Krüger hos Internet Movie Database.
- Karoline Krüger hos Svensk Filmdatabas.
- Karoline Krüger hos Discogs.
- Karoline Krüger hos MusicBrainz.
- Karoline Krüger hos Rockipedia. Arkivert 2016-04-25 ved Wayback Machine.