Kesj

Frå Wikipedia – det frie oppslagsverket
Hopp til navigering Hopp til søk
Sikh-mann med langt skjegg og håret i turban.
Sikh-gut med håret i knute dekt av ein rumal.

Kesj (panjabi ਕੇਸ, også skrive kesh eller kes) er ein praksis innan sikhismen som går ut på å ikkje klippa eller barbera håret. Dette er ein del av Dei fem K-ane i sikhismen. Det er vanleg å kjemma håret med ein kam (kanga, ein annan av dei fem K-ane) to gonger dagleg og setja opp håret for så å dekka det med eit klede eller ein turban.

Alle sikhar kan følgja regelen, men han er særleg vanleg for dei som er døypte inn i khalsaen. Skikken blei grunnlagd av guru Nanak, den første sikh-guruen. Guru Gobind Singh formulerte kravet om å ikkje skjera håret i 1699.[1]

Langt skjegg og håret i ein turban gjer særleg sikh-menn lett identifiserbare både seg imellom og av andre.[2] I nokre høve har dette ført til forfølging og mishandling, anten av dei som sikhar[3] eller fordi dei er blitt forveksla med muslimar.[4] I nyare tid har ein del sikhar gått bort frå kravet, som dei ser på som krevjande og umoderne.[2][5]

Kjelder[endre | endre wikiteksten]

  1. The Sikh Identity :5Ks, AllAboutSikhs.com, http://allaboutsikhs.com/introduction/the-sikh-identity-5ks, henta 9. november 2016 
  2. 2,0 2,1 «Young Men Get Haircuts, Annoying Their Elders», New York Times, 29. mars 2007, http://www.nytimes.com/2007/03/29/world/asia/29turban.html 
  3. Aussie teens try to cut Sikh youth's hair, Times of India, June 30, 2009, http://timesofindia.indiatimes.com/world/indians-abroad/Aussie-teens-try-to-cut-Sikh-youths-hair/articleshow/4719298.cms 
  4. Indian Immigrant Killed in Ariz.; Man Charged in Slaying and 2 Other Attacks; Racism Suspected, Washington Post, September 17, 2001 
  5. Priya Yadav, TNN (30. oktober 2006), 'Pagri not very attractive, out of tune with times', http://articles.timesofindia.indiatimes.com/2006-10-30/india/27819991_1_turbans-uncut-hair-sikh-youths 

Bakgrunnsstoff[endre | endre wikiteksten]