Knut Tørum

Frå Wikipedia – det frie oppslagsverket
Hopp til navigering Hopp til søk
Knut Tørum
Knut Tørum 2006 05 04.jpg
Statsborgarskap Noreg
Fødd 16. august 1971
Bergen
Idrett fotball
Yrke fotballspelar, fotballtrenar

Knut Kjartan Tørum (fødd 16. august 1971) er ein norsk fotballtrenar som for tida står utan jobb innan fotballen. Tørum er fødd i Bergen i 1971. Han var hovudtrenar i Rosenborg Ballklub frå 2006 til 2007 og førte mellom anna laget til seriegull i Tippeligaen 2006 og gruppespel i Champions League i 2007. Tørum var tidlegare trenar i Moss FK, der han hadde ein positiv sesong i 1. divisjon fotball for herrar 2005 då laget litt overraskande enda opp på 3. plass, og kvalifiseringsmogelegheit til Tippeligaen. Dei tapte kvalik-kampane mot Molde FK 2-5 samanlagt. Tørum har tidlegare vore assistenttrenar i Stabæk Fotball og Noreg gutar 19-landslaget.

Tida i Rosenborg[endre | endre wikiteksten]

I samband med Per-Mathias Høgmo si sjukemelding tok dåverande assistenttrenar Knut Tørum over hovudtrenaransvaret i Rosenborg ut 2006-sesongen. På slutten av sesongen gjorde Høgmo det offentleg at han trekker seg frå stillinga si, og Knut Tørum heldt difor fram som hovudtrenar og leia Trondheimsklubben til seriegull. Den påfylgjande 2007-sesongen gjekk derimot ikkje heilt etter planane for Tørum og Rosenborg Ballklub, dei forventa resultata utblei, og media spekulerte i ein mogleg sportsleg ueinigheit mellom Tørum og sportsdirektør i Rosenborg Knut Thorbjørn Eggen. I slutten av oktober 2007 gjekk sportsdirektøren ut i media og bekrefta at han var ueinig med trenar Knut Tørum om ein del ting. Få dagar seinare leia Tørum laget sitt til ein sensasjonell 2-0 siger i Champions League heime mot den spanske storklubben Valencia. Likevel blei bergensaren løyst frå kontrakta si 25. oktober 2007, dagen etter Valencia-triumfen.

Spire Denne idrettsartikkelen er ei spire. Du kan hjelpe Nynorsk Wikipedia gjennom å utvide han.