Kokosmakron

Frå Wikipedia – det frie oppslagsverket
Hopp til navigering Hopp til søk
Kokosmakronar

Kokosmakron er ei småkake laga av egg, sukker, kveitemjøl og kokosmasse.

I Noreg blir ho tradisjonelt bakt til jul, og kan vera eit av dei sju slaga. Ein kokosmakron skal helst vera sprø på utsida og seig inni.[1]

Australske coconut macaroons med syltetøy.
Kokoskrans

Andre land[endre | endre wikiteksten]

Makroner er kjende sidan 1500-talet, og stammar truleg frå Italia.[2] I Tyskland er kaka også typisk julebakst. Kokosmakronen er også vanleg i Sverige, der han blir kalla kokostopp, Frankrike, der dei blir kalla congolais eller rocher coco, Australia, USA og Nederland. I Australia tek dei ofte ei lita mengd bringebærsyltetøy i midten av makronen før steiking.

Variantar[endre | endre wikiteksten]

Ein variant av kokosmakron er kokoskrans, ei småkake forma som ein runding eller krans.

Ein kan også ha sjokoladeglasur på toppen av kokosmakronen.

Kjelder[endre | endre wikiteksten]

  1. «Kokosmakroner, oppskrift». nrk.no. Henta 17. desember 2012. 
  2. «The History Of Macaroons». thenibble.com. Henta 17. desember 2012.