Kolinda Grabar-Kitarović
| Kolinda Grabar-Kitarović | |||
 | |||
| Fødd | 29. april 1968 (55 år) Rijeka | ||
|---|---|---|---|
| Statsborgar av | Kroatia | ||
| Yrke | diplomat, politikar | ||
| Utdanna ved | Filosofisk fakultet ved Universitetet i Zagreb Sveučilište u Zagrebu George Washington University Los Alamos High School | ||
| Ektefelle | Jakov Kitarović | ||
| Barn | Katarina Kitarović, Luka Kitarović | ||
| Medlem | Den internasjonale olympiske komitéen | ||
| Alle verv |
| ||
Kolinda Grabar-Kitarović (fødd 29. april 1968) er ein kroatisk diplomat og politikar for HDZ. Den 15. februar 2015 vart ho innsett som president i Kroatia etter valsigeren 11. januar 2015.[1][2] Ho var den første kvinnelege presidenten i landet. I 2019 vart ho etterfølgd i presidentembetet av Zoran Milanović.
Frå 2005 til 2008 var ho kroatisk utanriksminister.
Liv og virke[endre | endre wikiteksten]
Bakgrunn og utdanning[endre | endre wikiteksten]
Grabar-Kitarović vart fødd i Rijeka i dåverande Jugoslavia men voks opp på småstaden Lubarska ved småbyen Grobnik aust for Rijeka.[3]
Ho var utvekslingselev i USA og tok eksamen frå Los Alamos High School i Los Alamos i New Mexico.[4][5] Etter avslutta gymnasutdanning byrja ho å studera ved fakultetet for humaniora og samfunnsvitskap ved Universitetet i Zagreb der ho i 1993 tok eksamenar i engelsk og spansk. 1995–1996 gjennomgjekk ho diplomatutdanning ved Diplomatische Akademie Wien.[6] I 2000 tok ho mastergrad i internasjonal politikk ved Universitetet i Zagreb.
Diplomat[endre | endre wikiteksten]
Grabar-Kitarović starta karrieren sin som rådgjevar i avdelinga for internasjonalt samarbeid i Kroatias departement for vitskap og teknologi og vart sidan rådgivar i utanriksdepartementet.[7] I I 1995 vart ho leiar av Nord-Amerika-avdelinga i utanriksdepartementet.[8] Ho var mellom 1997 og 2000 diplomatisk rådgjevar ved den kroatiske ambassaden i Canada.[7]
I 2001 vart ho rådgjevar i utanriksdepartementet, ei stilling ho hadde til ho i 2003 vart vald til parlamentet i Kroatia som representant for Kroatias demokratiske union (HDZ).[9][10]
Minister[endre | endre wikiteksten]
I regjeringa som vart danna i 2003 vart ho minister for europeisk integrasjon. I 2004 deltok ho i medlemsforhandlingane mellom Kroatia til EU.[4]
Ho vart i februar 2005 utnemnd som kroatisk utanriksminister, i det ho etterfølgde Miomir Žužul.[7] Grabar-Kitarović var utanriksminister til 2011 då ho overtok som visegeneralsekretær i NATO.
President[endre | endre wikiteksten]
Ved presidentvalet 2014/15 fekk Grabar-Kitarović 37,2 % av stemmene i første valomgang og hamna bak sitjande president Ivo Josipović med 38,5 %, men framfor Ivan Vilibor Sinčić med 16,4 %.[11] I andre valomgang 11. januar 2015 fekk ho 50,7 % av stemmene og vann dermed valet. Ho vart teken i eid som statsoverhovud 15. februar 2015.
Grabar-Kitarovic deltok ved presidentvalet i Kroatia 2019/20, og gjekk vidare til andre valomgang, med nest størst oppslutning etter Zoran Milanovic.[12]
Privatliv[endre | endre wikiteksten]
Grabar-Kitarović er gift med Jakov Kitarović og para har to barn. Ho snakkar engelsk, spansk og portugisisk flytande.[7]
Kjelder[endre | endre wikiteksten]
- ↑ «New Croatia President Grabar-Kitarovic urges national unity to revive economy», Euronews, 15. februar 2015. Lese 16.februar 2015.
- ↑ Frankfurter Allgemeine Zeitung 12. januar 2015: Kitarovic wird neue Präsidentin besøkt 13. januar 2015
- ↑ Predsjednik.hr, arkivert frå originalen 19. februar 2015, henta 12. november 2021
- ↑ 4,0 4,1 The George Washington University News Centre besøkt 14. januar 2014
- ↑ Offisiell biografi, den kroatiske regjering (kroatisk) besøkt 13. januar 2015
- ↑ Allgov.com
- ↑ 7,0 7,1 7,2 7,3 Natos internettside om Grabar-Kitarović besøkt 14. januar 2015
- ↑ Kroatias utenriksdepartement: levnetsbeskrivelse besøkt 14. januar 2015
- ↑ Allgov besøkt 14. januar 2015
- ↑ Kroatias parlaments internettside, arkiv besøkt 14. januar 2015
- ↑ Trdultat ab 11. valgomgang; se også [http://www.spiegel.de/politik/ausland/kroatien-praesident-josipovic-muss-in-stichwahl-gegen-grabar-kitarovic-a-1010561.html Präsidentschaftswahl in Kroatien: Staatsoberhaupt verpasst absolute Mehrheit. I: Spiegel Online, 28. desember 2014.
- ↑ «Izbori za predsjednika RH 2019. - rezultati». Henta 23. desember 2019.
- Denne artikkelen bygger på «Kolinda Grabar-Kitarović» frå Wikipedia på bokmål, den 12. november 2021.
