Kristin Evjenth

Kristin Evjenth (fødd i 1962) er ein norsk ballettdansar, musikalartist, musikar og fotograf.

Evjenth er kjend som vokalist i Sterk Naken og Biltyvene, men har bakgrunn som ballettdansar i Nasjonalballetten, som dansar ved Det Norske Teatret og skodespelar og dansar i musikalar og revyar.

Utdanning

Kristin Evjenth dansa som barn ved Operaens Ballettskole. Som ungdom var ho elev ved The Royal Ballet School i London.

Dansekarriere

Ho debuterte for Nasjonalballetten i Don Quixote i 1981. Seinare hadde ho fleire rollar i musikalar, mellom anna i A Chorus Line og Grease før ho vart engasjert ved Det Norske Teatret i 1985. Der gjorde ho mellom anna rollar i framsyningane Kiss me Kate og Faust. Ho dansa i to av Nissa Nybergets revyar: Klapp igjen (1985) og Søkka våt igjen (1988).

Songkarriere

Kristin Evjenth vart med i orkesteret Sterk Naken og Biltyvene i 1990 og var med til 2005, då bandet hadde sin siste opptreden. Ho song og spelte keyboard på fleire av orkesteret sine plater, mellom anna SNoB II: Elskede!, Tretten døde roser (1994) og Brenn lille venn (2000). Saman med grunnleggjar Leif Helgeland song ho på Party, orkesteret sitt bidrag til hyllestplata for Raga Rockers Sannhet på boks i 2015. Dette vart den siste songen som bandet spelte inn.

Seinare har ho vore vokalist og frontfigur i bandet Venus Flycatchers som gav ut albumet Scarred i 2021.

Fotografi

Kristin Evjenth er utdanna fotograf frå Nordic School of Photography i 2006 og arbeidar som fotograf i Oslo.

Bakgrunnsstoff

• Hva med stakkars meg da? Sterk Naken og Biltyvene Opptak frå NRK 1994
• Klapp igjen. Nissa Nyberget sin revy frå Centralteatret (1986) Opptak frå NRK, studio 2