Lizz Wright

Frå Wikipedia – det frie oppslagsverket
Hopp til navigering Hopp til søk
Lizz Wright
Lizz Wright Rudolstadt 01.jpg
Fødd22. januar 1980
FødestadHahira
OpphavUSA
Aktiv2003–
Sjangerrhythm and blues, jazz
Instrumentvokal
Stemmetypealt
PlateselskapVerve Records
Verka somsongar, komponist, jazzmusikar

Lizz Wright (fødd 22. januar 1980) er ein amerikansk songar av jazz og gospel.

Wright vart fødd i Hahira i Georgia i USA. Ho voks opp som prestedotter, og kom tidleg i kontakt med gospelmusikk. Då ho var 14 år hadde ho lært seg å spela piano, og byrja å spela i kyrkja til faren. I 1996 vann ho National Choral Award for innsatsen sin i kormusikk på Houston County High School.

Ho studerte song ved Georgia State University i Atlanta, og byrja hovudsakleg å synga jazz.[1] Seinare har ho studer ved The New School i New York[2] og i Vancouver i Canada.

Wright blei med i vokalkvartetten In the Spirit frå Atlanta i 2000. I 2002 skreiv ho kontrakt med Verve Records. Det første albumet hennar Salt kom ut i 2003.[3] Det inneheldt coverlåtar og fem sjølvskrivne songar. Stilen og karrieren hennar har leia til samanlikningar med Norah Jones.[1]

I 2006 vitja Wright Nasjonal jazzsceneCosmopolite, Bergen jazzforum, Vossajazz og Kongsberg Jazzfestival.

Diskografi[endre | endre wikiteksten]

  • Salt (2003)
  • Dreaming Wide Awake (Verve Forecast, 2005)
  • The Orchard (Verve Forecast, 2008)
  • Fellowship (Verve Forecast, 2010)
  • Freedom & Surrender (Concord, 2015)
  • Grace (Concord 2017)

Kjelder[endre | endre wikiteksten]

  1. 1,0 1,1 Rizik, Christopher (2003–2010). «Lizz Wright Biography». SoulTracks.com. Henta 20. april 2020. 
  2. "Lizz Wright", JazzTimes.
  3. "Salt", Billboard, May 24, 2003.