Loch Awe

Frå Wikipedia – det frie oppslagsverket
Hopp til navigering Hopp til søk
Loch Awe
innsjø
Loch Awe.jpg
Nordarmen sett frå Beinn a' Bhuiridh
Land Flag of Scotland.svg Skottland
Tilsig River Orchy, Kames River
Utløp River Awe
Nedslagsfelt 840 km²
Opphaldstid 0,7 år
Høgd over havet 36.2 moh
Lengd 41 km
Breidd km
Areal 38,5 km²
Middeldjupn 32 m
Største djupn 93,6 m
Volum 1,2 km³
Kystlengd1 129 km
Koordinatar 56°17′52″N 5°14′06″WKoordinatar: 56°17′52″N 5°14′06″W
Øyar Innis Chonnell, Inishail, Innis Chonan
Byar Lochawe
Wikimedia Commons: Loch Awe, Argyll and Bute
1 Kystlengd er eit unøyaktig mål som kanskje ikkje er standardisert for denne artikkelen.

Loch Awe (skotsk-gælisk Loch Obha) er ein stor innsjø i Argyll and Bute i Skottland. Han har gjeve namn til ein landsby ved breidda, som vert kalla anten Loch Awe eller Lochawe.

Innsjøen[endre | endre wikiteksten]

Loch Awe med nokre av øyane i innsjøen, mellom anna Innis Chonan

Han er den tredje største innsjøen i Skottland ut frå overflatearealet som er 38,5 kvadratkilometer. Han er den lengste innsjøen i Skottland med ei lengd på 41 km frå ende til ende, og ei gjennomsnittleg breidde på 1 km.

Innsjøen går hovudsakleg frå sørvest til nordaust, omtrent parallelt til dei to fjordane Loch Etive og Loch Fyne. Via River Awe og Loch Etive vert innsjøen drenert vestover frå nordenden og ut i Atlanterhavet.

Vasskraft[endre | endre wikiteksten]

Det er to vasskraftverk ved Loch Awe. Den eine er ein vanleg turbinstasjon der ein har demd opp River Awe i Pass of Brander, og så fører vatnet gjennom underjordiske røyrleidningar til Loch Etive.

Den andre er eit meir uvanleg pumpekraftverk der ein nyttar ein kunstig innsjø i åsen over innsjøen. Vatnet vert pumpa opp i dette reservoaret i periodar med mykje vatn, og så seinare nytta til straumproduksjon når straumbehovet er størst.

Turisme[endre | endre wikiteksten]

Loch Awe er kjend for aurefiske. Det kjem òg laks gjennom innsjøen, som går vidare til River Orchy. Det ligg fleire ruinar av gamle slott på øyar i Loch Awe og i nordenden ligg eit av dei mest fotograferte slotta i Skottland, Kilchurn Castle, som om sommaren kan vitjast etter ein kort båttur.

Historie[endre | endre wikiteksten]

Det var frå Loch Awe og det omliggande området at Campbell-klanen etablerte seg som ein mektig familie. I 1308 slo Robert the Bruce MacDougall-klanen i slaget ved Pass of Brander nedanfor innsjøen.

Sjå òg[endre | endre wikiteksten]

Bakgrunnsstoff[endre | endre wikiteksten]