Magda Blanc

Magda Blanc
Fødd	27. mars 1879
Fødestad	Bergen
Død	6. april 1959 (80 år)
Dødsstad	Bergen
Verka som	skodespelar
Ektefelle	Henning Eriksen, Sverre Jordan
Prisar	Kongens fortenestmedalje i gull, ridder av 1. klasse av St. Olavs Orden

Magda Blanc i tittelrolla i Amalie Skram sitt skodespel Agnete, fotografert av Brødrene Larm i 1901.

Magda Blanc (27. mars 1879–6. april 1959) var ein norsk skodespelar. Ho hadde ei leiande rolle ved Den Nationale Scene i Bergen i ei årrekkje.

Bakgrunn

Blanc var fødd i Bergen som dotter av bankbokhaldaren Adolf Christian Blanc og Magdalene Thomsen. Familien hadde stor interesse for teater, og faren var mange år i styret ved Den Nationale Scene. Magda sjølv viste musikalsk talent. Etter middelskulen drog ho til utlandet for å studera vidare, fyrst på klosterskule i Paris, så nokre år i Hamburg der ho studerte song og teater.

Karriere

I 1901 debuterte ho ved Den Nationale Scene i fødebyen, i tittelrolla i Amalie Skram sitt skodespel Agnete. Ho utvikla seg til å bli ein av dei fremste skodespelarane ved dette teateret.

Magda Blanc hadde ein leiande posisjon ved Den nationale scene. Ho briljerte i i dramatiske roller såvel som i komediefaget, og gjorde også lykke som resitatør. Ho fekk Kongens fortjenstmedalje i gull og blei utnemnd til riddar av 1. klasse av St. Olavs Orden. Frå 1954 fekk ho kunstnarløn.

Privatliv

I 1906 gifta ho seg med skodespelaren Henning Eriksen (1878-1922). Dette ekteskapet blei oppløyst i 1915, og ho gifta seg opp att i 1918 med kapellmeister Sverre Jordan (1889-1972). Dette andre ekteskapet varte fram til 1949.

Teaterroller (utval)

År	Oppsetjing	Rolle	Forfattar	Regissør	Scene	Ref.
1920	Haabet	Fiskerjenta Jo	Herman Heijermans jr.	Christian Sandal	Den Nationale Scene

Kjelder

• Denne artikkelen bygger på «Magda Blanc» frå Wikipedia på bokmål, den 12. september 2024.