Milena Rezková

Frå Wikipedia – det frie oppslagsverket
Hopp til navigering Hopp til søk
Milena Rezková
Miloslava Rezková 1968.jpg
Fødd 22. juli 1950
Praha
Død

19. oktober 2014
Praha

Yrke friidrettsutøvar

Miloslava Rezková, kjend som Milena Rezková, (fødd 22. juli 1950) er ein tsjekkisk tidlegare høgdehoppar som tvela for Tsjekkoslovakia. Ho var olympisk meister i høgdehopp i 1968 og europameister i same i 1969.

Aktiv[endre | endre wikiteksten]

Rezková hadd enorm framgong i 1968-sesongen. Ho forbetra den personlege bestenoteringa frå 1,66 m til 1,82 m. I finalen under sommarleikane i Mexico-byen det året hoppa ho opp til sitt aller beste og vann noko overraskande OL-gullet, då ho var den einaste som gjekk over 1,82 m.

I 1969 var Rezková ein av fire utøvarar som klarde 1,83 m under friidretts-EM i Aten. Sidan ho presterte høgda i fyrste førsøk, og ingen gjekk over 1,85 m, stakk ho av med gullmedaljen. To år seinare, under EM i friidrett 1971 i Helsingfors, vart ho nummer fem i høgdetevlinga med 1,83 m i sluttprotokollen.

Rezková stoppa på 1,82 m i kvalifiseringa til OL-finalen 1972, og kom dermed ikkje med til finalen, som vart vunnen av Ulrike Meyfarth frå Vest-Tyskland på 1,92 m. Betre gjekk det i europameisterskapen i Roma i 1974, der kom Rezková på femteplass med 1,86 m.

Kjelder[endre | endre wikiteksten]