Moldjord
| Moldjord | |||
| stad | |||
 | |||
| Land |  Noreg
| ||
|---|---|---|---|
| Fylke | Nordland | ||
| Kommune | Beiarn | ||
| Postnummer | 8110 MOLDJORD | ||
| Preposisjon | på Moldjord | ||
| Ferdselsårer | 813 | ||
 Moldjord 67°00′24″N 14°34′35″E / 67.006666666667°N 14.576388888889°E | |||
| Wikimedia Commons: Moldjord | |||
Moldjord ligg i nedre del av Beiardalen, og er kommunesentret i Beiarn kommune i Nordland. Her ligg kommunehuset med trygdekontor, likningskontor, bank, bibliotek og lensmannskontor. Av andre fasilitetar finn ein både frisørsalong, butikkar, lækjarsenter, sjukestove, tannlækjar, idrettsbane, lokalradio og kyrkjelydskontor her. Kyrkjestaden for Beiarn kyrkje vart lagt hit allereie i 1724 og det noverande kyrkjebygget frå 1872 har interiør frå 1700-talet.
Det ligg òg ein klokkargard på Moldjord, som vert brukt som kulturhus. Her var komponisten Fridthjov Anderssen fødd. Dessutan finst ein gjestegard her som tilbyr overnatting og servering.
Moldjord skole vart bygd på 1950-talet og har i dag grunnskule fra 1. - 7. klasse, samt vidaregåande skule VG1 i regi av LOSA og vaksenopplæringstilbod. Gymnastikksalen fungerer òg som samfunnssalen i kommunen med kulturscene, pussa opp i 2004. Barnehagen i Beiarn ligg òg på Moldjord.
Hustufter frå vikingtida vart funne på Arstad ved Moldjord i 1967; dette var det fyrste funnet av sitt slag i Nord-Noreg.
Kjelder
[endre | endre wikiteksten]- Wikipedia på bokmål om Moldjord
- Store Norske Leksikon om Moldjord
- Store Norske Leksikon om Beiarn
- Beiarn Kommune Arkivert 2013-07-22 ved Wayback Machine.
- Heimeside om Moldjord Arkivert 2006-06-23 ved Wayback Machine.
- Beiarn Gjestegård Arkivert 2011-09-10 ved Wayback Machine.