Nå tennes tusen julelys

Levande lys

I 1981 var songen tittelspor då Agnetha Fältskog og dottera hennar, Linda Ulvaeus utgav eit album med namnet Nu tändas tusen juleljus.

«Nå tennes tusen julelys» er ein julesong, omsett av Lars Søraas d.y. etter den svenske teksten «Nu tändas tusen juleljus». Originalteksten er skriven av Emmy Köhler i 1898. Songen vert bruka som julesalme innan mange kristne samfunn i Sverige og Finland, og kom med Salmer 1997 også inn i den norske kyrkja. Halldis Moren Vesaas har omsett teksten til nynorsk med tittelen Sjå tusen julelys blir tent, og denne omsetjinga er komen med i Norsk salmebok 2013.

Songen vart fyrste gongen trykt i Korsblomman 1898. Han har i løpet av 1900-talet vorte ein av dei mest brukte julesongane i Sverige, i kyrkje og skole, men òg i heimen. I 1986 vart songen vald inn i Den svenska psalmboken.

Teksten handlar om korleis jula vert opplyst, dels av dei levande lys vi tenner i heimane våre, dels av stjernene på himmelen, og held fram med ei bøn om at betlehemsstjerna òg må lyse for menneske i denne jula.

Melodien er òg skriven av Emmy Köhler i 1898. Den same tonen vert bruka til adventssongen «No tenner vi det første lys».

Kjelder

• Denne artikkelen bygger på «Nu tändas tusen juleljus» frå Wikipedia på svensk, den 6. desember 2008.