Hopp til innhald

Nicolai Andresen

Frå Wikipedia – det frie oppslagsverket
Nicolai Andresen

Statsborgarskap Noreg
Fødd 24. september 1781
Tønder
Død

18. november 1861 (80 år)
Christiania

Yrke bankier, politikar
Språk norsk
Nicolai Andresen på Commons

Nicolai Andresen (24. september 178118. november 1861) var ein danskfødd kjøpmann og politikar, busett i Christiania frå 1801.

Andresen var frå Tønder i Sønderjylland, son til ein skreddarmeister. Sjølv var han i ein del år tilsett hos ein kjøpmann i Flensburg. I 1801 kom han til Christiania og vart kompanjong hos kjøpmann G.F. Hagemann. Frå 1809 til 1845 dreiv Andresen eigenhendig ei grossist- og bankforretning i den norsk hovudstaden. Bankverksemda hans var elles grunnlaget for den seinare etablerte Andresens Bank.

Gjennom fleire tiår sat Andresen i fleire utval og kommisjonar som stelte med bank- og finanssaker. Han møtte på stortinget 1818 som varamann for Paul Thrane, og var i 1824 fyrsterepresentant for Christiania på tinget. I 1818 var han medlem av ti komitear, mellom andre i budsjettkomiteen, om handelsflagget og om vekslar/vekselrenter. Andresen var medlem av det fyrste bystyret i hovudstaden og var bystyremedlem 1837-43.

Kjelder[endre | endre wikiteksten]