Tallak Lindstøl

Frå Wikipedia – det frie oppslagsverket
Gå til: navigering, søk
Tallak Lindstøl
Fødd 30. januar 1857
Søndeled
Død

14. april 1925

Tallak Olsen Lindstøl (fødd 30. januar 1857 på Lindstøl i Søndeled, død 14. april 1925)[1] var ein norsk lærar, bankmann, lensmann, statistikar, forfattar og stortingsrepresentant frå Venstre.[2] Han var òg ordførar i Søndeled herredsstyre.[2] Han var son av Ole Torjeson Lindstøl, som òg var stortingsrepresentant.[3]Tallak Lindstøl er særleg kjend for sine stortingsbiografiar.

Tallak Lindstøl vart seminarist frå Holt seminar i 1877. Han var lærar åra 1877-81 og ved Risør folkeskule i 1883. Tida 1883-93 arbeidde han som kopist i Statistisk sentralbyrå. Frå 1893 var han kasserar i Søndeled Sparebank, frå 1900 også lensmann i Søndeled.

Han var medlem av heradsstyret i Søndeled frå 1896, dei fyrste fem åra var han ordførar. Lindstøl var stortingsmann for Venstre og Nedenes amt 1900-03 og for Holt krins 1910-15. I den fyrste valperioden var han medlem av vegkomiteen, 1910-12 av budsjettkomiteen, nestformann i same 1913-15. I siste valperioden var han også medlem av valkomiteen.

Lindstøl gav ut fleire arbeid bygt over statistisk materiale, mest kjende er hans oversikter over stortingsrepresentantane 1814-92 og 1814-1914. Elles skreiv han om fleire ulike historiske tilhøve.

Han døydde i Søndeled av «hjerneslag» i 1925.

Bibliografi[endre | endre wikiteksten]

  • Mandtallet 1701
  • Stortingsrepræsentanter 1814-92
  • Stamtavler østre Nedenes (1882)
  • Den første kommunalstatistik for 1901 (1902)
  • Statistisk haandbok om Nedenes amt 1891-1902 (1905)
  • Stortinget og statsrådet 1814-1914 (1914)

Bibliografiliste iflg. Norsk samfunnsvitenskapelig datatjeneste[2]

Kjelder[endre | endre wikiteksten]

  • Tallak Lindstøl:Stortinget og Statsraadet 1814-1914. Kristiania, 1914

Referansar
  1. Gravsøk hos DIS-Norge (13. oktober 2012)
  2. 2,0 2,1 2,2 Biografisk informasjon om Tallak Lindstøl NSD Norsk senter for forskningsdatas politikararkiv
  3. Ole Torjesen Lindstøl frå Salmonsen

Bakgrunnsstoff[endre | endre wikiteksten]