Nicolás Mezquida
| Personleg informasjon | |||
|---|---|---|---|
| Fullt namn | Gabriel Nicolás Mezquida Sero | ||
| Fødd | 21. januar 1992 | ||
| Fødestad | Paysandú i Uruguay | ||
| Høgd | 172 cm | ||
| Posisjon | Angrepsspelar | ||
| Klubbinformasjon | |||
Noverande lag | Peñarol | ||
| Nummer | 23 | ||
| Ungdomsklubbar | |||
| 2006-08 |
 Peñarol | ||
| Seniorkarriere* | |||
| År | Lag | Kampar (Mål) | |
| 2008- 2011 |
Peñarol Brann (lån) |
3 (1) 3 (0) [1] | |
| * Seniorklubbkampar og mål berre telt for nasjonal liga og oppdatert 18. juni 2011 | |||
Gabriel Nicolás Mezquida Sero (fødd 21. januar 1992 i Paysandú) er ein uruguayansk fotballspelar, som i 2011 spelte i angrep for Peñarol i toppdivisjonen i Uruguay. Vårsesongen 2011 var han på lån hjå Brann i den norske eliteserien.
Mezquida begynte karrieren sin i Peñarol, der han vart teken opp på førstelaget i 2008-sesongen.[2] 22. januar 2009 skreiv han under på ein intensjonsavtale med den tyske klubben Schalke 04,[3] men heldt fram å spela for Peñarol.[4] Mezquida har vore på prøvespel hjå Schalke.[5] Før 2011-sesongen gjekk han på lån til Brann i Noreg. Låneavtalen varte til 1. august 2011.[6] Han debuterte i Tippeligaen for Brann som innbytar i opningskampen i 2011-sesongen, heime mot Rosenborg 20. mars 2011. I juni 2011 sa Brann-trenaren, Rune Skarsfjord, seg svært nøgd med Mezquida, sjølv om han vart hemma i vårsesongen av ein skade som sette han ut av spel i mai og starten på juni.[7] Då låneavtalen gjekk ut, vende Mezquida likevel attende til heimlandet. Skarsfjord sa då at avgjerda vart teken av sportslege grunnar.[8] Mezquida fekk ingen tippeligakampar frå start for Brann, men kom inn som innbytar tre gonger, og skåra dessutan to mål i ein cupkamp mot Tertnes.
Mezquida har spelt landskampar for Uruguay på U-15- og U-17-nivå.
Fotnotar
[endre | endre wikiteksten]- ↑ Norsk og internasjonal fotballstatistikk
- ↑ Nicolás Mezquida at noticiasmanyas.com
- ↑ Schalke Sign Striker Nicolás Mezquida
- ↑ en&u=http://www.espectador.com.uy/1v4_contenido.php%3Fid%3D142100%26sts%3D1&prev=/language_tools&usg=ALkJrhg4aRqINKfqS312nFrRYWUb26X2eA Juvenil de Peñarol al Schalke 04[daud lenkje]
- ↑ Neuer fehlt am Dienstag, neuer Gastspieler aus Uruguay stellt sich vor, arkivert frå originalen 18. juli 2011, henta 19. mars 2011
- ↑ Brann sine nettsider Arkivert 2011-06-15 ved Wayback Machine., henta 19. mars 2011
- ↑ «Juninho reiste hjem til Brasil» Arkivert 2011-06-18 ved Wayback Machine. i Bergens Tidende 15. juni 2011.
- ↑ «Mezquida sendes hjem» Arkivert 2011-08-17 ved Wayback Machine. i BT 13. juli 2011