Novo mesto

Novo mesto
Novo mesto ved Krka Novo mesto ved Krka
Plassering

Styresmakter
Land	Slovenia
Grunnlagd	1365
Borgarmeister	Alojz Muhič
Geografi
Flatevidd - By	298,5 km²
Innbyggjarar - Totalt (2002) - folketettleik	40 925 137,1 /km²
Koordinatar	45°48′0″N 15°10′0″EKoordinatar: 45°48′0″N 15°10′0″E
Tidssone - Ved sommartid	CET (UTC+1) CEST (UTC+2)
Diverse annan informasjon
Postnummer	8000
Retningsnummer (tlf)	(+386) 07
Nettstad: www.novomesto.si

Novo mesto er ein by i regionen Dolenjska i Slovenia. Han ligg ved elva Krka og har om lag 40 000 innbyggjarar. Byen vert rekna som det økonomiske og kulturelle senteret i regionen. I 2006 vart han sete for eit katolske bispedøme.

Historie[endre | endre wikiteksten]

Novo mesto, som tyder «ny by» vart grunnlagd som Rudolfswert (slovensk Rudolfovo) den 7. april 1365, kalla opp etter grunnleggjaren erkehertug Rudolf IV av Austerrike. Området der byen ligg har vore busett sidan førhistorisk tid.

Etter den første verdskrigen og Austerrike-Ungarn vart oppløyst, vart byen offisielt Novo mesto. På tysk vart han òg kalla Neustadtl. Under den andre verdskrigen gjekk byen fram og tilbake mellom Tyskland og Italia, før tyskarane til slutt tok kontroll over han.

I 1958 vart ein motorveg mellom Ljubljana og Zagreb i Kroatia bygd ferdig. I dag er denne vegen ein del av Europaveg 70. Med denne motorvegen vart Novo mesto langt betre knytt til resten av Slovenia og Jugoslavia, og vart gradvis eit viktig regionssenter.