Olav J. Bjørgum

Frå Wikipedia – det frie oppslagsverket
Hopp til navigering Hopp til søk
Olav J. Bjørgum
Fødd24. august 1861
Voss
Død18. oktober 1954
Statsborgar avNoreg
PartiVenstre
Yrkebonde

Olav Josefsson Bjørgum (24. august 186118. oktober 1954) var ein norsk gardbrukar, bankleiar og politikar frå Voss i Hordaland. Han var medlem av Bondepartiet, stortingsmann 1922-27.

Bjørgum gjekk amtsskulen i Utne, folkehøgskule i Sogndal og Hambros skole i Bergen. I si tid tok han over farsgarden, og dreiv denne jamsides fleire framståande tillitsyrke. Han var styreformann («direktør») i Voss Veksel- og landmandsbank 1899-1909, i Voss Sparebank 1920-42 og i Vestlandske Salslag 1920-46. Elles var han 1910-24 medlem i landsstyret for Norges Bondelag og 1930-45 formann i Hordaland Landbruksselskap.

Bjørgum var medlem av heradsstyret i Voss frå 1890, ordførar 1894-1907. Ved stortingsvalet hausten 1921 vart han vald til stortingsrepresentant for det nyss skipa Bondepartiet, og var medlem av Stortinget i to treårsbolkar, 1922-27.

Kjelder[endre | endre wikiteksten]

  • Norsk Allkunnebok: II. bandet.