Olav Sæter
| Olav Sæter | |||
 | |||
| Fødd | 26. november 1884 Elverum kommune | ||
|---|---|---|---|
| Død | 24. november 1951 (66 år) | ||
| Statsborgar av | Noreg | ||
| Parti | Arbeidarpartiet (21. desember 1947), Elverum Uavhengige Arbeiderparti (1951) | ||
| Yrke | politikar | ||
| Barn | Olav Sæter | ||
| Alle verv |
| ||
Olav Jørgen Sæter (26. november 1884–24. november 1951) var ein norsk lærar, pressemann og politikar frå Elverum. Han var stortingsrepresentant frå Hedmark for Arbeidarpartiet i tida 1921-45, og ordførar i Elverum kommune 1932-40.
Sæter var son til ein småbrukar. Etter middelskuleeksamen i 1901 tok det noko tid før han fekk råd til å fullføre utdanninga i 1906 med eksamen frå lærarskule. Frå 1906 til -11 underviste han i folkeskulen i Dovre herad, der han frå 1910 var medlem i heradsstyret. Deretter var han lærar i Elverum til 1915. Frå 1916 var han redaktør av Østerdalens Sosialdemokrat inntil avisa i 1932 var slått saman med Hamar Arbeiderblad.
Valperioden 1919-22 var Sæter varaordførar i Elverum heradsstyre. Hausten 1921 vart han vald inn på Stortinget for Arbeidarpartiet i Hedmark. Ved dei neste fem stortingsvala vart han attvald og vart såleis verande stortingsrepresentant til 1945. Dei to tingperiodane 1922-24 og 1925-27 var han medlem i Protokollkomiteen, medan han bolken 1928-30 var formann i Jarnbanekomiteen. Seinare var han 1931-33 og 1937-45 medlem i Militærkomiteen, i den mellomliggjande valperioden 1934-36 hadde han plass i Veg- og jarnbanekomiteen.
I tida frå 1931 til 1940 var Sæter også ordførar i Elverum. Frå 1932 arbeidde han atter som lærar, då ved Leiret skole til han i mars 1942 vart ein av dei lærarane som NS-styret sende til Kirkenes med dampskipet «Skjerstad». Etter å ha vore fri sidan september 1942, vart han arrestert på ny og sat i fangeleiren Grini frå 5. februar 1943 til 5. februar 1944. I september 1944 flykta han til Sverige.
Kjelder
[endre | endre wikiteksten]- Stortingsbiografi Arkivert 2018-01-30 ved Wayback Machine.