Hopp til innhald

Ottar Brox

Frå Wikipedia – det frie oppslagsverket
Ottar Brox
Fødd30. august 1932
Torsken
Død16. februar 2024
NasjonalitetNoreg
Yrkepolitikar, sosiolog
InstitusjonarUniversitetet i Tromsø – Noregs arktiske universitet
Alma materNorges landbrukshøgskole
MedlemDet Norske Videnskaps-Akademi

Ottar Brox (30. august 1932–16. februar 2024) var ein norsk samfunnsforskar og politikar for Sosialistisk Venstreparti, fødd i Torsken.[1] Han var professor i sosiologi ved UiT 1972-1984 og stortingsrepresentant for Troms 1973-1977.[2] Brox blir også rekna som ein av føregangsfolk bak opprettinga av Universitetet i Tromsø.[3]

Liv og virke

[endre | endre wikiteksten]

Ottar Brox studerte ved Troms landbruksskole i 1948-1949 og blei utdanna sivilagronom ved Norges Landbrukshøgskole i 1957.[4]

Brox er kjend for boka Hva skjer i Nord-Norge? frå 1966. Denne boka vart inspirasjonskjelde for nordnorsk regionalisme og oppvurdering av sjarkfisket si økonomiske betydning. Temaet i denne boka vart i 1984 vidareført i boka Nord-Norge: Fra allmenning til koloni.

Brox var professor i sosiologi ved Universitetet i Tromsø frå 1972 til 1984, seinare professor II, mens han var forskingsleiar ved Norsk institutt for by- og regionforskning.

Brox var stortingsrepresentant for SV for Troms i perioden 1973–1977. Han har skrive mange populærfaglege bøker og artiklar, og vore aktiv i den offentlege debatten.

Prisar og utmerkingar

[endre | endre wikiteksten]
  • 1957: Norsk landbrukspresse fram til omkring 1840 / Ottar Brox. Vollebekk : Norges landbrukshøgskole. Hovedoppgåve ved Norges landbrukshøgskole.
  • 1966: Hva skjer i Nord-Norge? : en studie i norsk utkantpolitikk. Pax-bøkene ; 39 Oslo : Pax
  • 1972: Newfoundland fishermen in the age of industry : a sociology of economic dualism. Newfoundland social and economic studies ; 9. St. John's : Institute of Social and Economic Research, Memorial University of Newfoundland.
  • 1989: Praktisk samfunnsvitenskap. Universitetsforlagets metodebibliotek. Oslo : Universitetsforlaget.
  • 1995: Dit vi ikke vil. Ikke-utopisk planlegging for neste århundre. Halden: Exil
  • 2005: Arbeidskraftimport : velferdsstatens redning - eller undergang?. Oslo : Pax.
  • 2016: På vei mot et postindustrielt klassesamfunn? Oslo : Pax.
  1. ↑ Hompland, Andreas; Neumann, Iver B. (17. februar 2024). «Ottar Brox». Store norske leksikon (på norsk).
  2. ↑ Kallelid, Magnus (16. februar 2024). «Ottar Brox er død». dagbladet.no (på norsk). Henta 18. februar 2024.
  3. 1 2 «UiT sine æresdoktorar | Ottar Brox», uit.no, henta 19. februar 2024
  4. ↑ Profil ved stortinget.no
  5. ↑ «Tre nye æresdoktorer ved NMBU | NMBU», www.nmbu.no (på norsk bokmål), henta 19. februar 2024
Henta frå «https://nn.wikipedia.org/w/index.php?title=Ottar_Brox&oldid=3535765»