Peder Reinhardt
Peder Reinhardt | |
Statsborgarskap | Noreg |
Fødd | 19. mars 1836 |
Død |
6. februar 1908 (71 år) |
Yrke | politikar |
Språk | norsk |
Peder Ferdinand Reinhardt (19. mars 1836–6. februar 1908) var ein norsk forretningsmann og politikar frå Kristiansand.
Han var son til den rike forretningsmannen O. C. Reinhardt i Kristiansand. I yngre år gjekk han handelsakademiet i Lübeck. Han overtok handelshuset etter far sin, med skipsverft, reiarlag, dampskipsekspedisjon, kolimport mm. I fleire år var han formann i børskomiteen i byen, og i handelsforeininga. Reinhardt var medlem av bystyret 1871-1904, ordførar i 1874.
Reinhardt vart vald til 1. representant for heimbyen på Stortinget 1877-1882, møtte ikkje i 1882, og 2. representant 1889-91. Heile tida på tinget var han medlem av jarnbanekomiteen. Han var medlem av mellomrikskommisjonen av 1889.
Han døydde i heimbyen 1908.
Kjelde[endre | endre wikiteksten]
- Lindstøl, Tallak:Stortinget og Statsraadet 1814-1914. Kristiania, 1914