Piz Segnas

Piz Segnas
fjell
Piz Segnas (høgaste toppen i midten)
Land	Sveits
Fjellkjede	Glarus-Alpane/Bündner Alpane
Høgd	3 099 moh.
Primærfaktor	607 m ↓  mot Ringelspitz
Koordinatar	46°54′28.5″N 9°14′22.5″E
Lettast tilkomst	Til fots
Førstestiging	G. Sand-Frank
•  dato	1861
Piz Segnas 46.907916666667°N 9.2395833333333°E / 46.907916666667; 9.2395833333333
Plasseringa i Sveits Plasseringa i Sveits
Wikimedia Commons: Piz Segnas

Piz Segnas er eit 3 099 m høgt fjell i Glarus-Alpane i Sveits. Toppartiet av fjellet består av den svært gamle bergarten Verrucano-Decke. Denne bergarten vart gjennom forkastingar skuva opp på dei mykje yngre laga av flysch, som fjellsokkelen består av. Fjelltoppen ligg i nordaust for Segnaspass, som dannar overgang mellom landsbyen Elm i Glarus og Flims i Graubünden.

Dei fyrste som kleiv til topps var G. Sand-Frank og fjellføraren Heinrich Elmer i 1861.

Topptur

Fjelltoppen når ein frå vest eller nordaust. Ruta frå nordaust går over isbreen som minkar år for år og som det vert stendig vanskelegare å krysse. Ein kortare tur er mogleg om ein tek fjellheis frå Flims til Naraus og deretter går til fots til Camona da Segnas (2 102 moh). Frå Segnas-Hütte (Camona da Segnas) går ein oppover das Kar i retning Segnaspasset. Fyrst etter å ha nådd skartoppen nedanfor vestryggen går ein, der tilhøva ligg til rette for det, over grus eller snøbre opp på salen, som ikkje ligg langt frå den sørlege fortoppen (3 012 moh). Derifrå går ein langs den smale egga til toppen. Toppturen er fri for kryssing av isbrear, men fører over snøbrear.

Om vinteren er toppturen greiare, då ein går på ski over breen som ligg nordaust for fjellet.

Kjelder

• Denne artikkelen bygger på «Piz Segnas» frå Wikipedia på tysk, den 18. oktober 2009.