Raud jonsokblom
| Raud jonsokblom | ||
|
|
||
| Systematikk | ||
| Domene: | Eukaryota | |
| Rike: | Plantae | |
| Klasse: | Eudicotyledonae | |
| Orden: | Caryophyllales | |
| Familie: | Caryophyllaceae | |
| Slekt: | Silene Smelle | |
| Art: | S. dioica | |
| Vitskapleg namn | ||
| Silene dioica | ||
Raud jonsokblom (Silene dioica) er ein art i nellikfamilien. Arten finst i større delar av Europa og i Nord-Afrika, og finst som forvilla art andre stader i verda.
Planta er ein fleirårig urt, som er 25-70 cm høg. Stilk og blad er oftast mjukt hårete, sjeldan glatte. Blada er lansettforma eller elliptiske, motsett stilte, med ingen eller korte bladstilkar. Blomane veks i knipper mot toppen av planta. Kronblada er purpurraude, i sjeldne tilfelle rosa eller kvite, kløyvde i spissen. Frukta er ein brungul kapsel.
Arten veks i heile landet i veggrøfter, i all kulturmark (beitemark, eng, åker) og på avfallsplassar og rundt industrifelt. Til fjells finst planta nesten opp til 1800 moh.
Planta blomstrar i låglandet frå seint på våren og fram over føresommaren, til fjells i juli-august.
Referansar[endre | endre wikiteksten]
- Svensk wikipedia.
- Wikipedia på norsk bokmål.
- Floraen i farger, Aschehoug, 3. opplag, 1970.
