Rolv Straume
| Rolv Straume | |
| Statsborgarskap | Noreg |
| Fødd | 3. august 1882 Gimsøy |
| Død |
25. februar 1982 (99 år) |
| Yrke | lærar, politikar, lokalhistorikar |
Rolv Straume (3. august 1882–25. februar 1982)[1] var ein norsk lærar, ordførar og lokalhistorikar.
Straume var fødd i Gimsøy i Lofoten son av lærar Morten Edvard Robertsen-Strømme og Andrea Martinussen. Han gifta seg i 1908 med Andrea Aleksandra Haagensen (17.06.1889-31.12.1970),[2][3] ho var dotter til Kristian Haagensen og Ellen Andersen. Dei fekk 3 barn.
Liv og virke
[endre | endre wikiteksten]Rolv Straume gjekk ut av Tromsø lærarskole i 1903.
Rolv Straume var lærar i Balsfjord frå 1903-1904, deretter i Buksnes i Lofoten 1904-1913. Til Bø i Vesterålen kom han som lærar i 1913, og her var han fram til 1945. Han var også klokkar ved Bø kyrkje frå 1920 til 1945.
Rolv Straume var med både i ungdomslag og mållag. Han var formann i Buksnes ungdomslag i mange år. Og han var også kasserar i Hålogaland lærarmållag.
Rolv Straume var aktivt med i lærarorganisasjonane. Han var formann i Buksnes lærarlag i fleire år, og han var også lærarane sin representant i Buksnes skolestyre. Han var også styremedlem i Lofoten og Vesterålens krinslærarlag. Straume var formann i Bø lærarlag 1912-1923 og 1926-35. Frå 1931 til 1934 var han formann i Bø skolestyre.
Rolv Straume var formann i Bø arbeidarparti 1914-1923 og 1933-37. Frå 1932 til 1940 var han medlem av Bø heradstyre, og frå 1935 til 1940 var han ordførar i Bø herad. Han var også medlem i likningsnemnda, forliksrådet, styret for trygdekassa, og styret for Vesterålens Kraftlag.
Bø bygdebok
[endre | endre wikiteksten]Då Rolv Straume gjekk av med pensjon, starta han med å samle inn stoff til ei bygdebok. Og i 1957 var han ferdig med det som skulle bli tre bøker. Men det tok enno nokon år før bøkene kom ut i 1962-1964.[4]
Utmerkingar
[endre | endre wikiteksten]- Kongens fortenestemedalje, 1972.[5]
- Bø kommunes kulturpris for 1978.[6]
Utgjevingar
[endre | endre wikiteksten]- Rolv Straume: Bø bygdebok, bind 1. Utgitt av Bø kommune, Tromsø 1962. 557 sider (Nynorsk) nb.no
- Rolv Straume: Bø bygdebok, bind 2. Utgitt av Bø kommune, Tromsø 1963. 499 sider (Nynorsk) nb.no
- Rolv Straume: Bø bygdebok, bind 3. Utgitt av Bø kommune. Stokmarknes Aktietrykkeri [1964]. 583 sider (Nynorsk) nb.no
- Fleire artiklar i Håløygminne[7] og Hofdasegl.[8]
Referansar
[endre | endre wikiteksten]- ↑ Lofotposten, lørdag 27. februar 1982
- ↑ «Andrea Aleksandra Straume - Døde 1951 - 2014 - Digitalarkivet», www.digitalarkivet.no (på norsk), henta 15. januar 2021
- ↑ «Nasjonalbiblioteket», www.nb.no, henta 15. januar 2021
- ↑ «Bø bygdebok ferdig», Lofotposten, torsdag 22. oktober 1964
- ↑ Nordlandsposten, tirsdag 31. oktober 1972
- ↑ Lofotposten, torsdag 7. desember 1978
- ↑ «HÅLØYGMINNE», hminne.no, henta 15. januar 2021
- ↑ «Nasjonalbiblioteket», www.nb.no, henta 15. januar 2021
Kjelder
[endre | endre wikiteksten]- «65 år», Lofotposten, tirsdag 29. juli 1947
- «70 år», Lofotposten, onsdag 30. juli 1952
- «75 år», Lofotposten, lørdag 27. juli 1957
- «75 år», Nordlands Framtid, torsdag 25. juli 1957
- «Rolv Straume runder 80», Lofotposten, fredag 3. august 1962
- «90 år», Lofotposten, lørdag 29. juli 1972
- «Fikk kulturprisen i Bø», Lofotposten, torsdag 7. desember 1978
- «Kulturprisen 1978», Bøfjerding -80. Årbok for Bø, side 100. Bø bygdelag: [utgitt 1979]
- Arne Espeland: Norske skolefolk, Stavanger 1934, side 1170
- Lars Beite: Norske skolefolk, Bind 2. Stavanger 1966, side 1427f