Russian River

Frå Wikipedia – det frie oppslagsverket
For andre tydingar av oppslagsordet, sjå Russian River i Alaska.
Russian River
Slavyanka River
Rio San Ygnacio, Rio San Ignacio[1]
elv
Sideelvar Mark West Creek, Maacama Creek, Green Valley Creek, Big Sulphur Creek
Kart
Russian River
38°27′02″N 123°07′44″W / 38.4506°N 123.129°W / 38.4506; -123.129
Wikimedia Commons: Russian River (California)

Russian River (sørpomo Ashokawna, spansk Río Ruso) er ei elv som renn sørover i Sonoma og Mendocino County nord i California. Med ei årleg gjennomsnittleg vassføring på omtrent 2,0 km3,[2] er ho den nest største elva (etter Sacramento) som renn gjennom det utvida San Francisco Bay Area. Hovuddelen av elva er 115 mi (185 km) lang. Nedslagsfeltet er 3850 km².

Namn[endre | endre wikiteksten]

An Autumnal Sunset on the Russian River Evening Glow av William Keith, 1878

På sørpomo er elva kjend som Ashokawna (ʼaš:oʼkʰawna), ‘austvatnstad’ eller ‘vatn i aust’,[3] og som Bidapte, ‘stor elv’.[4] Juan Rodríguez Cabrillo og ekspedisjonen hans kan ha kome så langt nord som Russian River i november 1542 før dårleg vêr gjorde at dei måtte venda sør mot Monterey. Det eldste slaviske namnet for elva, Slavyanka, opptrer på eit dokument frå det russisk-amerikanske kompaniet frå 1817.[5] I 1827 kalla spanjolane elva San Ygnacio,[1] og i 1843 blei ho omtalt som Rio Grande i ei spansk eigedomstildeling.[6]

Elva fekk det noverande namnet sitt frå russaren Ivan Kuskov frå det russisk-amerikanske kompaniet, som utforska elva tidleg på 1800-talet og skipa kolonien Fort Ross 10 mile (16 km) nordvest for munningen. Russarane kalla henne Slavyanka, eller 'den slaviske elva'[1] (slavjanka er russisk for 'slavisk kvinne'). Dei grunnla tre ranchar nær Fort Ross, der ein av dei, Kostromitinov Ranch, strekte seg langs Russian River nær munningen av Willow Creek.[7] Redwood-trea langs breiddene av elva tiltrekte seg tømmerhoggarar mot slutten av 1800-talet.

Ifølgje USGS er variantnamn for elva Misallaako, Rio Ruso, Shabaikai, og Slavyanka.

Løp[endre | endre wikiteksten]

Russian River nedanfor Duncans Mills

Russian River spring ut i Laughlin Range kring 5 mile (8 km) aust for Willits i Mendocino County. Ho renn for det meste sørover til Redwood Valley, så forbi Calpella, der ho renn langsmed U.S. Route 101. Ho renn saman med East Fork Russian River like etter Lake Mendocino.

Deretter renn Russian River sør forbi Ukiah gjennom Ukiah Valley og Hopland gjennom Sanel Valley, og inn i Sonoma County like nord for Cloverdale. Ho renn parallelt med U.S. Route 101 ned i Alexander Valley, der ho renn saman med Big Sulphur Creek. Deretter renn ho sør forbi Cloverdale, Asti og Geyserville.

Aust for Healdsburg renn Maacama Creek saman med Russian River. Deretter gjer elva ei rekkje vide buktingar før ho blir kryssa av Healdsburg Memorial Bridge, som fører Old Redwood Highway over elva like oppstrøms for U.S. Route 101 si kryssing. Ho tek imot vatn frå Sonomasjøen via Dry Creek. Elva vender så vestover, der ho blir kryssa av Wohler Bridge. Mark West Creek renn ut i henne nord for Forestville, følgd av Green Valley Creek i sør. Ho passerer så busetnadane Rio Nido og Guerneville. I dette området går State Route 116 parallelt med elva, og like ved henne forbi Guernewood Park og Monte Rio.

Austin Creek renn inn i elva frå nord før ho renn gjennom Duncans Mills. State Route 1 kryssar elva før ho munnar ut i Stillehavet mellom Jenner og Goat Rock Beach. Estuaret til Russian River er verna gjennomCalifornia Bays and Estuaries Policy.[8] Munningen ligg kring 60 mile (100 km) nord for Golden Gate-brua i San Francisco-bukta .

Dei nedre delane av Russian River er populære å symja og bruka båt i om våren, sommaren og hausten. På denne tida er ho rekna som ei trygg elv med svak straum.[9] Om vinteren kan ho vera farleg, med raskare straum og sølete vatn.

Verneområdet Russian River State Marine Reserve and Russian River State Marine Conservation Area omfattar estuaret til Russian River. Slike marine verneområde hjelper økosystem både i hav og ferskvatn.

Utsyn over Russian River og Russian River Valley med California State Route 1-brua nær Jenner.

Elva tilfører grunnvatn og vatning for landbruket.[10] Flaumsletta hennar omfattar fleire vingardar, og ein del av Russian River Valley blei utropt som eit vinområde (American Viticultural Area) i 1983 og utvida i 2006.[11] Det finst fleire små og større vinprodusentar her, som lagar vin av chardonnay og pinot noir, i tillegg til fleire andre druesortar.

Kjelder[endre | endre wikiteksten]

  1. ↑ 1,0 1,1 1,2 Erwin G. Gudde, William Bright (2004). California Place Names: The Origin and Etymology of Current Geographical Names. Berkeley, California: University of California Press. s. 323. ISBN 9780520242173. Henta June 27, 2010. 
  2. ↑ Langridge, Ruth; Christian-Smith, Juliet; Lohse, Kathleen A. (2006). «Access and Resilience: Analyzing the Construction of Social Resilience to the Threat of Water Scarcity» (PDF). Ecology and Society 11 (2): 18. doi:10.5751/ES-01825-110218. 
  3. ↑ Oswalt, Robert (1981). Southern Pomo Word List and Map of Native Place Names in the Warm Springs Dam Area. San Francisco, CA: US Army Corps of Engineers. 
  4. ↑ Oswalt, Robert; Peri, David W.; Fredrickson, Vera-Mae (1979). Language Study. San Francisco, CA: US Army Corps of Engineers. 
  5. ↑ Hayes, Derek (2007). Historical Atlas of California. Los Angeles, London: University of California Press, Berkeley. ISBN 978-0-520-25258-5. 
  6. ↑ Praetzellis, Mary; Praetzellis, Adrian; Stewart, Suzanne B. (1985). «Before Warm Springs Dam: A History of the Lake Sonoma Area» (PDF). US Army Corps of Engineers. s. 28. Henta 14. november 2008. 
  7. ↑ Schneider, Tsim D. (2006). «New Thoughts on the Kostromitinov Ranch, Sonoma County, California» (PDF). Proceedings of the Society for California Archaeology 19: 36–39. ISSN 0897-0947. OCLC 17396569. Henta 25 March 2010. 
  8. ↑ State Water Resources Control Board Water Quality Control Policy for the Enclosed Bays and Estuaries of California (1974) State of California
  9. ↑ State of California Water Quality Control Plan North Coastal Basin 1B July 1975 p.13
  10. ↑ State of California Water Quality Control Plan North Coastal Basin 1B July 1975 p.13
  11. ↑ «Russian River Valley Winegrowers Association». Arkivert frå originalen 25. september 2008. Henta 20. mai 2019. 

Bakgrunnsstoff[endre | endre wikiteksten]

Henta frå «https://nn.wikipedia.org/w/index.php?title=Russian_River&oldid=3484689»